5人淨食兩煲「稻香1蚊雞煲」埋單$15.8位網民熱議精明定厚顏？｜飲食熱話

Aug 12 2022

廣告

稻香早前發出盈警，連番推出不同優惠救亡，最為人所知的當然就是1蚊優惠。近日有人在網上曬出5人去稻香享用兩煲「1蚊雞煲」，$79埋單，人均每位$15.9落樓的帳單。自以為享盡宵夜優惠，是精明的消費，卻惹來網民兩極批評，大部份人認為食得太盡；亦有人撐明買明賣。

稻香$1鮮鮑魚雞煲 5大叔宵夜時段入座埋單合共$79

近日多個長者討論區都流傳一個貼文，樓主稱5個人到旺角雅蘭稻香，食了兩煲$1鮮鮑魚雞煲，本想再點$28氣（汽）鍋湯，可惜賣完。沒再點其他食物，以$79結帳。並同時貼出五人享用雞煲的留影，見兩煲雞煲份量十足，上面更有三、四隻鮮鮑魚，絕無呃秤。根據店方的宣傳單，$1鮮鮑魚雞煲是星期一至五晚上8:30pm後宵夜時段供應的優惠，食完雞還可以打邊爐，2-4人可享用1煲；5位以上則可點兩煲，沒有列出最低消費，亦沒有附加條件。故此樓主最後茶介及加一服務費每人$15.8埋單。

稻香 5位中年大叔出鋪上載到旺角稻香食$1雞煲的照片，相中果然只點了兩大鍋雞煲，再沒加點任何食物。 — 5位中年大叔出鋪上載到旺角稻香食$1雞煲的照片，相中果然只點了兩大鍋雞煲，再沒加點任何食物。（圖片來源：Facebook@耆英長者老人家搵外快求職群）

稻香,1蚊雞,優惠從帖文照片看來，兩煲$1鮮鮑魚雞煲賣相確實不賴，非常足料，鮑魚看上去亦很新鮮。 — 從帖文照片看來，兩煲$1鮮鮑魚雞煲賣相確實不賴，非常足料，鮑魚看上去亦很新鮮。（圖片來源：Facebook@耆英長者老人家搵外快求職群）

稻香,1蚊雞,優惠有圖有真相，可見的確沒有附加收費，除了$2雞煲錢，每人另付$14茶介及$7.2加一服務費，$79已可落樓，位位$15.8，抵到爛。 — 有圖有真相，可見的確沒有附加收費，除了$2雞煲錢，每人另付$14茶介及$7.2加一服務費，$79已可落樓，位位$15.8，抵到爛。（圖片來源：Facebook@耆英長者老人家搵外快求職群）

稻香,1蚊雞,優惠從宣傳單張可見，鮮鮑魚雞煲只在星期一至五晚上8:30供應，2-4位可點一煲；5位以上可享用兩煲，可見樓主是「依正規矩」落單的。 — 從宣傳單張可見，鮮鮑魚雞煲只在星期一至五晚上8:30供應，2-4位可點一煲；5位以上可享用兩煲，可見樓主是「依正規矩」落單的。（圖片來源：Fackbook@稻香集團）

網民反應兩極「咁都做得出」 VS 「無偷無搶，正當消費」

帖文一出，馬上引來網民熱議。大部份網民狠批「面懵懵」、「咁都做得出」、「仲要影相，無恥等如無敵」；但亦有抱不平的網民持相反意見，認為「完全沒有錯，打開門做生意，定得呢啲價錢，就預咗會有啲咁嘅人去食」、「無偷無搶，正當消費」、「人哋分享吓又要比你鬧」。亦有較為中庸的意見，建議下次最好多點幾個白飯或油菜，比較合乎情理，否則人人如此幫襯，隨時執笠。剛巧稻香控股近日發出盈警，預計上半年虧蝕過億，希望酒樓不會因此而修改優惠修款吧﹗

稻香,1蚊雞,優惠很多網民批評樓主算得太盡，厚顏賺盡優惠，用辭嚴厲。 — 很多網民批評樓主算得太盡，厚顏賺盡優惠，用辭嚴厲。（圖片來源：Facebook@耆英長者老人家搵外快求職群）

稻香,1蚊雞,優惠亦有網民認為酒店自行定價，食客來幫襯又沒有規矩，不應上網公審。 — 亦有網民認為酒店自行定價，食客來幫襯又沒有規矩，不應上網公審。（圖片來源：Facebook@耆英長者老人家搵外快求職群）

香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。

香港有甚麼週末好去處推介？

香港18區都非常值得花時間好好探索，一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

關鍵詞

圖片來源：Fackbook@稻香集團、 Facebook@耆英長者老人家搵外快求職群