盆菜
盆菜

買完盆菜XX分鐘內要食!無翻熱易致食物中毒 附5大安全貼士要注意

食是食非

廣告

外賣盆菜向來是不少人新年或聚會的習慣,但如果不謹慎注意盆菜衛生,隨時食出禍,致食物中毒!食盆菜之前一定要注意以下5大事項,開住爐、滾住食盆菜先食得安心又放心!

避免食物中毒! 食盆菜5大貼士

之前就試過有4個家庭因為食用盆菜後食物中毒需要入院,雖然有機會在餐廳處理食物時已經滋生細菌,不過為確保食物安全,於餐廳購買盆菜或者處理盆菜時都要多加留意!以下有5大食盆菜的安全貼士,食前記得睇睇!

1. 食用前1小時取盆菜

最好在訂購盆菜時就已經向餐廳表明提取盆菜時間,食用前30至60分鐘內提取最佳!而買外賣盆菜,都要揀信譽良好的店舖。

 買外賣盆菜,都要揀信譽良好的店舖。
買外賣盆菜,都要揀信譽良好的店舖。(圖片來源:新假期編輯部)

2. 翻熱至75度或以上

大部分外賣盆菜提取時仍然有餘溫,但不代表你回家可即時食用!食用前一定要翻熱至75度或以上,煮最少10分鐘為佳,如果盆菜的份量更大,或者需要更長時間。如果嫌麻煩,好似打邊爐咁邊滾邊食也能確保食物翻熱足夠!

 盆菜 如果嫌麻煩,好似打邊爐咁邊滾邊食也能確保食物翻熱足夠!
如果嫌麻煩,好似打邊爐咁邊滾邊食也能確保食物翻熱足夠!(圖片來源:新假期編輯部)

3. 一定要全煲煮熟!

盆菜的食物種類較多,當中以白切雞等最為高危,未煮熟的食物含有沙門氏菌以及金黃葡萄糖菌,容易令人上吐下瀉,翻熱時要多注意各種材料, 全煲都煮熟才最穩陣!

 盆菜 未熟的雞肉便會容易滋生細菌。
未熟的雞肉便會容易滋生細菌。(圖片來源:新假期編輯部)

4. 運送盆菜溫度要注意

如果盆菜本身就以冷藏處理,應該要一直保持在低於攝氏4度的溫度以下;如以高溫保存,則需高於攝氏60度,細菌較易於4-60度環境滋生,最好取完盆菜加熱後即食,以免貯存太耐易生細菌!

 盡量避免以 4-60 度保存盆菜!
盡量避免以 4-60 度保存盆菜!(圖片來源:TVB《愛回家》劇照)
 盆菜 加熱後即食
加熱後即食(圖片來源:TVB《愛回家》劇照)

5. 一次過食哂就最好

盆菜經過第一次烹調,第二次翻熱,味道同營養已經有所改變,再食剩翻熱,或者會令營養全失!保存不當甚至會增加細菌風險,所以盆菜最好一次過食哂,以免留隔夜!

 食盆菜5大貼士 避免食物中毒!60分鐘內要食 盆菜翻熱先最好 胡亂處理易致上吐下瀉|食是食非
(圖片來源:新假期編輯部)

資料來源:衛生防護中心

關鍵詞
食是食非
圖片來源:新傳媒資料室