發哥余文樂最愛!屏山熱店華嫂冰室 殺入觀塘 【觀塘食乜好】

不少人專登山長水遠入元朗屏山幫襯的華嫂冰室,不過呢個幾廿公里長征將會Bye Bye,因為明天(10月17日)華嫂冰室殺入市區,於觀塘開首間分店。新店面積過千尺,除了供應茄蛋菠蘿油和奶茶等名物外,仲有觀塘限定的新品推出,以後觀塘的上班族又多個食Lunch選擇,正呀!

冰室名物

呢間分店不會由華嫂負責,而是由華嫂的三個仔操刀,但名物都會Keep住供應。招牌茄蛋菠蘿油,用新鮮出爐脆皮菠蘿包,夾著牛油和嫩滑煎蛋,配合蕃茄片,減少在傳統菠蘿油的飽濟感,同時也添加了一份清新。仲有冰花奶茶,以雪櫃冰格冷凍絲襪奶茶至冰花浮現,用口呷一啖,冰花入口即溶,有奶味亦都有茶味,同場推介番茄碎蛋治。

觀塘店限定食物

老闆同記者講觀塘有三款限定食物,不過想試食就要等明天了。話時話,名物奶茶出樽裝,上班族以後唔飲咖啡,可以飲奶茶喎!

發哥、余文樂捧場

華嫂好威威豬㗎,連發哥和余文樂都是熟客仔,好多人入去食嘢都撞過佢㗎!觀塘咁方便⋯⋯唔知會唔會仲易捕獲佢哋呢!

新假期食玩報料:[email protected]
歡迎Instagram / facebook 使用#weekendhk 報料,資料一經選中會為你公告天下!
 
想最快接收第一手的旅遊飲食資訊?Easy
1.
先分別讚好「新假期周刊」及「新假期Jetso 」兩個Facebook專頁
2.
在「讚好」按鈕下揀選「搶先看」,搞掂!

最新吃喝玩樂資訊