甜品
甜品

甜品放題升級版!$98歎18款甜品【觀塘食乜好】

飲食

廣告

愛 甜品 人士,又係時候出動了!繼上次介紹過$88午市甜品放題後,今次這家食店-魔膳工房,又再推出 甜品 放題,$98歎足18款甜品!之所以叫甜點放題升級版,是因為今次所推出的款式較多元化,味道較上次好食,絕對適合一班愛甜品人士前往挑戰。今次的主題是田園的夜空,好似無上次星空圖咁吸引,不過,記者今次是來食甜品,賣相靚固然加分,但味道才是重點!其中,記者精選了8款必食甜品,即刻為大家帶來試食報告!

第一位:士多啤梨乳酪雪條

乳酪酸酸的味道令人開胃,而士多啤梨味又帶點甜味,混和起來,酸甜味適中。伴著雪條的杯會有水果在底層,亦可將雪條混和水果一齊食,味道清新。質感方面,不會好快就融化,入口較為軟身。

味道:★★★★★
賣相:★★★☆☆

第二位:74°C生朱古力

朱古力味道濃郁,微苦而不會太甜。質感微軟,入口都幾快融化。每粒大小都幾平均,朱古力粉都鋪得幾平均。

味道:★★★★★
賣相:★★★★☆

第三位:OREO味馬卡龍

馬卡龍方面,這兒提供了5款口味,包括OREO、熱情果配紅桑子、朱古力、抹茶和Baileys。味道上,朱古力味其實都好味,不過,要說到特別推介是OREO味~味道上,奶味濃郁,但不會搶過朱古力味,兩者配合適中。餡料份量適中,不會太多而增加膩感。而質感方面,會較為軟身。

味道:★★★★☆
賣相:★★★☆☆

第四位:流心芒果椰汁蛋

蛋黃的部分是芒果汁,食的時候會有流心效果,配上椰汁造成的蛋白,味道出奇地夾,而且不會太膩,是項新鮮的組合。而且,造型上都幾特別,可以一試。

味道:★★★☆☆
賣相:★★★★☆

第五位:朱古力脆脆配奶凍盤栽

這是一款以賣相取勝的甜品。以盤栽造型的甜品,在盤栽內的朱古力,無疑會令人聯想到泥土,不過此「泥土」口感不俗,是朱古力脆脆;而底層是慕絲,不過牛奶味未算很濃郁。提提大家,在吃這款甜品時,一定要用匙一下由面食到底,才會完全地食到脆脆和奶凍。

味道:★★★☆☆
賣相:★★★★☆

第六位:雙層朱古力泡芙

賣相其實一般,不過食落絕對有驚喜!泡芙質感軟身,兩層泡芙入面有濃濃朱古力做餡,朱古力迷必愛!

味道:★★★★☆
賣相:★★★☆☆

第七位:青檸gin酒慕絲盤栽

這個賣相其實都是一般,不過味道又有點驚喜。起初,gin酒配上青檸,是有點草青味,不過,當你又喺由面到底層一啖食晒,就會有出奇地清新的感覺。這次的驚喜,未必每人都喜歡,不過愛此味道人士就會覺得幾好特別,酸酸的又帶點酒香,是項新嘗試~

味道:★★★☆☆
賣相:★★★☆☆

第八位:白朱古力配紅桑子三文治

這個賣相平庸的三文治,食落其實都幾好味。厚身的白朱古力本身都比較甜,不過紅桑子的酸味將其中和,一試無妨。

味道:★★★☆☆
賣相:★★☆☆☆

除了甜品,這兒亦會提供鹹味小食和意粉,每天款式不一。

甜品自助餐詳情:
推出時段:9:30pm-11:00pm
價錢:星期一至四:成人$98;小童$49,星期五至日:成人$118;小童$59
備註:另收加一服務費

魔膳工房MAGE KITCHEN
地址:觀塘開源道77號業發大廈一期2樓D室 (顯示地圖)
營業時間:星期一至日: 12:00-23:00
電話:3955 1460

延伸閱讀:
梳乎蛋 Cafe周日開幕!爆懶 蛋黃哥 菜式率先現身!【觀塘食乜好】
買少見少!觀塘工廈 4大 私房菜 【 觀塘 】

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..