珍寶元貝
珍寶元貝

珍寶元貝海膽漢堡! 創意日菜做宵夜 |銅鑼灣食乜好|

飲食

廣告

最近天氣麻麻,成日天陰陰,又時不時落雨,唔知各位食家有無畀咁壞嘅天氣影響胃口呢?唔緊要,而家即刻為你介紹一款全新漢堡醒醒胃,等你放咗工之後即刻去充充電!唔好質疑住,呢款漢堡絕非等閒之輩,亦絕對唔會「食滯你」嘅,是關佢並非以兩塊麵包夾住塊漢堡扒,轉而由兩塊激厚嘅炙燒珍寶元貝刺身夾住一堆北海道海膽,呢款漢堡,應該可以救返向位食家呢幾日「鬱鬱不歡」嘅胃口,真係食多幾個都唔怕滯呀!「今晚仲要OT,點食呀?」,唔緊要,提供呢款「漢堡」嘅食店設有營業至凌晨1點半嘅宵夜時段,有心就有一定食得到!

珍寶元貝海膽漢堡

店主話除咗元貝同海膽要夠鮮外,紫菜亦要夠脆!呢款漢堡為一家創意日式料理店嘅新品,有無勇士想去挑戰吓呢?

介紹完呢個咁有創意嘅元貝海膽漢堡,唔知喚得醒你哋胃口未呢?呢家食店主打日式創意料理,講到明旨在要喚醒胃口,等我哋嚟睇吓佢仲有咩得意之作先!

招牌菜 八寸海幸卷

同樣有元貝、海膽做食材,加上三文魚籽,竟然可以做出呢款美輪美奐嘅卷物!呢款卷物美味與「美貌」並重,除咗「謀殺」唔少網上食家嘅菲林(呀!即係記憶體)外,更得到非常識食嘅Karene 麥貝夷同 Angela 區文詩於個人Instagram 推介,認真厲害!

八寸海幸卷 #Sushi
ANGELA // 區 文 詩(@angela__au)張貼的相片 於 張貼

招牌菜–海幸卷😌嘿嘿。 Karene麥貝夷(@karenemak)張貼的相片 於 張貼

秘製蒜泥沖繩豚白肉

日本食材混四川麻辣風味夠哂創新,我相信大家食某麵店嘅「蒜泥白肉」就食得多,究竟呢間以沖繩豚肉做主嘅菜式又掂唔掂呢?

繼續閱讀:創新平民二人宵夜懷石套餐

二人宵夜懷石九宮格套餐 訂位價(一日前)$398,Walk-in價$438

呢個懷石料理宵夜套餐絕對唔惹笑,以九宮格形式呈上分別用到汁煮、燒、炸、燜等不同方法製作嘅套餐前菜,位於正中嘅磯燒鮑魚仲受到食客一致好評,做到甜又爽又煙靭嘅感覺的確不易。套餐另有海鮮味噌湯、焗雜菌同每人一杯德國生啤,一邊食一邊同對面果個傾吓計,無胃口都變有胃口!價錢唔貴,放工可以接埋另一半或者隔離位個同事一齊去差差電!不過大家要留意,呢個宵夜套餐只係供應到2月29日,想平D又想確定有位的話,記得訂位!

八寸酒食.串燒.私房料理

地址:銅鑼灣駱克道487號駱克駅15樓(顯示地圖
電話:3907 0204
營業時間:11am-2:30pm,5:30pm-1:30am
平均消費:$200 /位

備註:
1. 消夜時間10pm-1:30am(12:45am last order)
2.設加一,只收現金

延伸閱讀:

深夜食堂 5大日本菜宵夜推介

$51日式燒肉定食 三文魚沙律任添 |尖沙咀食乜好|

東海 Foodcourt 自助柯打賣懷石? |觀塘食乜好|

最新吃喝玩樂資訊