牛角宣佈將引入日本人龍店「挽肉と米」！選址中環IFC

日本人龍店「挽肉と米」殺到香港！選址中環IFC

敘福樓集團的主席及行政總裁黃傑龍於今年10月在社交平台宣佈，將引入東京第1名炭火燒漢堡扒店「挽肉と米」。近日，黃傑龍再度在社交平台發文公佈更多詳情，以及餐廳選址為中環IFC，讓你望住嘅維多利亞港歎炭火燒漢堡扒！全文：

講解最新狀況前，先解說一下部份人嘅疑問，呢個品牌點讀? 日文發音係Hikiniku To Come, 好多人以為to come係咪即係過嚟? 其實佢唔係英文係日文。 と就係讀to（拖），意思就係和/與，完全就係買馬三拖四七嗰個拖。Come其實係Kome變化字，kome就係米. 所以中文我覺得可以讀「挽肉拖米」 ，我就喜歡直接講Hikiniku To Come.

香港第一間挽肉と米將會在IFC開，社長山本San早兩個星期嚟香港嘅時候同我去現場睇過，大家都覺得睇住香港最靚嘅維多利亞港食日本天花板的漢堡扒飯會係一個頂級嘅享受。 （放心，挽肉と米的經營哲學不是貴價餐廳，雖然頂級優質）

我亦都有機會同社長開咗幾個小時嘅會議，直接深入了解咗山本社長對於做漢堡扒嗰種使命感與匠人精神，我們也必須做到三個堅持「新鮮絞肉、新鮮現烤、新鮮煮飯」
100%每日新鮮現場絞肉，配方由山本先生嚴格規定包括嚴格的瘦肉部位與牛脂比例，在8度的低溫房間，特別培訓的員工以獨特的手勢人手迅速利落地反覆拍每一件排確保鬆軟美味，然後每一件扒在客人面前新鮮燒製，在燒好的那1秒送上面前即刻享用，每一份套餐有三件漢堡，米飯的烹調講究程度令我驚訝，不單止選用優質的日本「能感受到生產者堅持的米」，做到「味道鮮明到不輸給肉」，每一煲飯精準地新鮮煮好立即送上給客人。

其他還有大量獨家的配料與食法，我覺得用語言去表達本身就係一種浪費，留待大家到時在現場親身體驗日本漢堡扒飯原創天花板的魅力。

最後想提醒大家挽肉と米整個概念包括裝修設計是由山本San原創的，後來由於實在太成功，在日本及世界各地（包括香港）出現很多山寨版老翻，在日本的電視台及報紙也有不少報道，你上YouTube都會搵到(我在comment給大家link)，大家要小心選擇。

牛角宣佈將引入日本人龍店「挽肉と米」！被譽為東京第1名炭火燒漢堡扒

日本東京超人氣漢堡扒店「挽肉と米」將進駐香港！「挽肉と米」為日本炭火燒漢堡扒天花板，分店更要早上7時開始排隊，才可以食到。敘福樓集團的主席及行政總裁黃傑龍就公佈好消息將引入品牌到香港，全文：

雖然香港餐飲業面對500年一遇的淡靜，不少香港人質疑香港飲食業不思進取、不重視培訓、沒有長遠投資，只會千篇一律求求其。 咁樣講其實都唔係太公平，香港都仲有好多同業好俾心機咬緊牙根，希望將好嘢食帶俾香港人，包括我公司都一直努力去達到呢個目標。

就在我從倫敦飛杜拜轉機期間，我就收到好消息，早幾個月我去日本親身體驗過朝頭早七點就要排隊的朝人氣品牌「挽肉と米」，今日喺東京同我哋簽咗合約會過嚟香港開了😎👍

如果你冇聽過呢個品牌，都好正常，因為你唔係追捧日本潮流嘅新一代，但係都可以上Google search下就會明白點解我會咁樣形容，真係好誇張的，每日一開門就派晒啲籌，永遠排長龍。 當然，今日只係簽約，仲要派同事去日本培訓，香港搵合適舖位等等，要大家多等一會，但是這個等待肯定是值得的。

我們是一間願意投資未來、願意做好餐飲業的本地餐飲集團，多謝香港人你們讓我們找到工作的意義。

暗暗透露新店價錢合理＋疑將開第二間店！

敘福樓集團的主席及行政總裁黃傑龍在留言區回應網民留言，表示雖然新店選址中環IFC，但價格之平是令人有驚喜的：「總之同事同我講準備賣嗰個價錢嗰陣時我「嘩」咗一聲，問咗一句「咁平有冇錢賺㗎成本好高㗎喎。」佢話:「唔使賺咁多錢嘅最緊要客人覺得有價值長期受歡迎」我只能夠同意。」

於專頁宣佈，首間香港挽肉と米將會選址中環IFC，同時宣佈會有第二間店。