【食是食非】牛奶唔係畀人飲？拆解牛奶4大迷思～點解一飲就肚痛 ｜FOOD WIKI｜

飲奶四大迷思

1. 牛奶唔係畀人飲？

傳聞牛奶只對小牛有益，當中含有多種激素和添加劑，多飲會致癌云云，但營養師認為，香港食安制度完善，市面上的牛奶都可以放心飲用，而且亞洲人飲食少有乳製品，其他蔬果、魚蝦、豆製品鈣含量遠不及牛奶，而牛奶當中的維他命Ｄ亦可幫助鈣質吸收，牛奶的營養，值得肯定。

2.點解有奶唔使雪？

放在凍櫃的大多採用巴士德低溫消毒法，冷藏可以Keep到約兩星期，營養保存得最好。可放室溫的，則大多用上UHT超高溫消毒法，牛奶中主要營養成分依然Keep到，但會破壞當中的維他命B雜，不過很多品牌會額外再加維他命，所以問題不大。

3. 飲親都肚痛？

又有人話牛奶難以給人消化，喝後會腹痛肚瀉。其實可能只是身體未習慣生產乳糖酶消化牛奶所致，營養師建議果腹後，再試飲半杯暖牛奶，其實身體能夠習慣起來，再逐步增加份量，大部分人都可以克服。

4.胃痛飲牛奶？

好多人胃痛，都以為可以飲杯奶來紓緩，但營養師指，牛奶反而會刺激胃酸分泌，無助胃病或腸胃炎徵狀。不過，如果胃痛是情緒緊張所致，牛奶中的色胺酸，則可以紓緩壓力，瞓唔著飲一杯，都有幫助，絕對可以放心飲！

延伸閱讀：

KFC最新優惠券！早餐最平$12.5 截圖就用得！

Starbucks新咖啡杯！深紫中秋月兔+靛藍人魚系列＋咖啡主題輕食