爐端燒
爐端燒

炭燒巨扇貝+龍蝦!大埔隱世抵食~ 爐端燒 !

飲食

廣告

初夏來到,最適合來一場盛大的海鮮燒烤派對,市面上有不同類型的燒烤自助餐或放題,酒店動輒要5、6百,放題或串燒店稍平但海鮮一般要另計!大埔這家隱世茶座,由上月起推出自助 爐端燒 放題,$238起包50款食物,當中包括貴價的煙肉廣島蠔卷、鵝肝牛角包和鰻魚串等!基本組合已經相當抵食,仲可以+$1換領本地龍蝦仔,而更有趣的是+$100可獲鐵簽一支,大家可以一簽任拮盤內的大扇貝、帶子、龍蝦、鮑魚等6款海鮮,相當抵食!

+$100海鮮盤 好抵食 爐端燒 !

二百零蚊嘅放題,唔代表交行貨,單單肉類有超過30款,一般串燒店貴價的煙肉廣島蠔卷、安格斯牛露筍卷、鰻魚串、加拿大穀飼豬柳串、煙肉珍珠筍卷等居然有齊!

+$100的海鮮盤,有原隻東南亞龍蝦開邊,厚肉爆膏、二至三隻扇貝及元貝、本地活鮑魚、海鮮及大蜆,份量相當精彩,價值遠超$100,店員會交予鐵簽俾大家任拮盤中海鮮,拮唔拮得晒就睇你既技巧喇!

 

店員親自示範,的而且確可以用鐵簽串起一整盤海鮮!(大蜆不需串起,只需+$100即可附送)

扇貝、元貝和龍蝦都有記者成隻手掌咁大!

店主從外地搜羅這部炭烤爐,內藏一部風機,大家炭烤時也可以控制爐火的大小,食物無咁易燶!

賣相吸引!味道又如何?即睇以下試食報告!

海鮮方面以龍蝦和帶子有驚喜, 龍蝦肉唔老,爽口之餘更重要是爆膏香口無比,帶子肉厚身有口感,帶鮮甜味,抵食!

鰻魚唔算太有鰻魚油香,但入口綿滑無骨,唔係一級貨但可以一食!

肉類方面相當推介幾款煙肉卷,包括煙肉廣島蠔卷、煙肉珍珠筍卷和豬扒蘋果卷!

雖然鵝肝牛角包的鵝肝份量少,但同樣係任嗌,牛角包燒得香脆璧化,好食!

一至四限定優惠仲抵!逢星期一任燒蠔!

店家在周一至四有限定優惠,許星期一加$100即可任食燒生蠔,每星期生蠔來自不同產地,而星期三每位加$38可任飲生啤!

荔枝山茶座 ─ 爐端燒放題
地址:大埔荔枝山村3號地下 (顯示地圖)
爐端燒放題供應時段:星期一至日5pm – 8pm(早鳥時段);8pm – 11pm (為食時段)
價錢:早鳥時段$238 (炭燒)、$198 (鐵板燒) ;為食時段 $268 (炭燒)、$238 (鐵板燒)
查詢;2652 9222

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..