超級全能飯煲
超級全能飯煲

【煮食神器】超級全能飯煲開箱實測!半個鐘燜牛腩+8分鐘焗蛋糕|開箱試用

飲食

廣告

平時炆煮牛腩,最少都要數個小時先會軟腍入味;而且臨近新年,當然少不了炆鮑魚海參這些賀年菜式,想零失敗快速上菜? 這款本地家電品牌推出的多功能飯煲,一個煲有齊煮飯、炆牛腩炆鮑魚、甚至煲糖水、焗蛋糕功能,最驚喜是可以半小時內炆好牛腩,焗蛋糕更是8分鐘搞掂,絕對是懶人恩物!即刻開箱試用!

撰文:kelly|攝影:Tony、Day

燜煮、煲湯、焗蛋糕全功能制霸!超級全能飯煲

平時燜牛腩基本都要燜2小時,要燜至軟腍入味又要調較火力,甚有難度,但原來一個飯煲就搞得掂!今次這個超級全能飯煲,集飯煲、壓力煲、真空煲和燜燒鍋於一身,以微電腦控制烹調壓力和溫度,令煮食過程更快捷,連牛腩、鮑魚等等需長時間燜燉的食材,都能夠快速燜至軟腍入味,據稱可以比一般電鍋省時達40%!

這款全能飯煲有三個容量選擇,包括4公升、6公升、8公升,方便應付不同份量、人數的菜式,同時更有紅色、銀色機身選擇。內膽用上易潔物料塗層,煮食時不黏底,也容易清潔。飯煲更附送食譜,產品網站還再更多網上食譜㖭!內有各類型的燜煮、湯水食譜,方便用家跟住做。

超級全能飯煲 飯煲有(左)8公升、(中)4公升、(右)6公升選擇,紅色機身夠醒目搶眼,過年最啱用。
飯煲有(左)8公升、(中)4公升、(右)6公升選擇,紅色機身夠醒目搶眼,過年最啱用。
超級全能飯煲 內鍋是易潔物料,不用怕黏底!
內鍋是易潔物料,不用怕黏底!

快速煮食無難度 智能操作毋須看管

這款全能飯煲的最大特色,在於全智能操作,內置多項快速烹調功能,包括煮飯、煲粥、燉湯、燜燒、熬煮及焗蛋糕等,能方便烹調不同美食。

而且一鍵即煮,選好快速烹調功能,就能自動完成烹調過程,好像燜牛腩、煲湯等需要不時睇火的菜式,有了這部機,只需放入食材,選好功能和時間,就可以輕鬆等食!

再加上密封式烹調、自動排氣裝置,煮食的過程不怕滾瀉,方便又安全。

記者開箱測試報告

睇完功能,立即開箱試用!既然聲稱這部全能飯煲可以快速燜煮和焗蛋糕,一於實測看看!記者今次就用燜牛腩、鮑魚海參和梳乎厘蛋糕作測試。

測試一:紅酒燴牛腩

滿意度:★★★★★/5★

平時燜牛腩基本都要燜2小時,不過今次全能飯煲卻指30分鐘燜到牛腩!首先按下排骨、雞/肉鍵,飯煲傳熱頗快,只需放入牛腩輕輕炒香,倒入紅酒、配菜後關蓋,飯煲就會自動烹調,約30分鐘就完成。牛腩質感軟身,而且夠入味,效果令人滿意。

超級全能飯煲 將所有材料倒入煲內,關蓋後就會自動烹調,簡單快捷。
將所有材料倒入煲內,關蓋後就會自動烹調,簡單快捷。
超級全能飯煲 牛腩燜得鬆化,一咬即開,而且吸收了紅酒和醬汁精華,好入味!
牛腩燜得鬆化,一咬即開,而且吸收了紅酒和醬汁精華,好入味!

測試二:燜鮑魚+海參

滿意度:★★★★★/5★

臨近新年,年輕煮婦甚至乎你阿媽,都會煮返一兩道賀年菜宴客。鮑魚海參好意頭,不過燜煮就很花時間,也較難掌握箇中技巧,想簡單快捷、零失敗,這個飯煲幫到手!將鮑魚、海參、金腿、老雞等材料放入煲中,同樣一鍵自動烹調,過程完全不複雜,亦不需看顧火力,非常方便。

做出來的效果同樣不錯,質感和味道都與普通燜燉相近,而且操作簡易,輕鬆就煮到賀年菜式,新手都做到。

超級全能飯煲 鮑魚入味之餘,質感腍滑,鮑魚汁同樣香濃。
鮑魚入味之餘,質感腍滑,鮑魚汁同樣香濃。
超級全能飯煲 在煮海參過程中,記者先開煲蓋炒香蔥段,機身容量都算大,炒菜也很方便。
在煮海參過程中,記者先開煲蓋炒香蔥段,機身容量都算大,炒菜也很方便。
超級全能飯煲 海參軟硬程度燜得剛好,而且嫩滑入味。
海參軟硬程度燜得剛好,而且嫩滑入味。

測試三:梳乎厘蛋糕

滿意度:★★★★/5★

電飯煲焗蛋糕雖然不是什麼新鮮事,但這部全能飯煲就聲稱可以8分鐘焗好一個蛋糕,將準備好的蛋漿、蛋白倒入飯煲中,然後一按蛋糕鍵,只需8分鐘,鬆軟的梳乎厘蛋糕就完成!而且內鍋的易潔物料,令蛋糕更易脫模;脫模後也沒有蛋糕碎黏底,容易清潔。

功能特多! 煲湯煲粥、起沙紅豆沙樣樣皆能

除了燜燉功能外,這款全能飯煲還可以煲湯、煲粥、連紅豆沙都可以快速煲至起沙,一個飯煲就都做到三餸一湯加糖水啦!

煲湯

簡單如青紅蘿蔔湯,食材都可以快速煲至出味,拍得住老火湯效果。

紅豆沙

平時煮紅豆沙要浸豆又要睇火才能煲至起沙,這部飯煲同樣一個掣就完成。

 

煲粥

飯煲易潔塗層有助避免煲燶粥,也不用睇火,輕鬆煲出綿密海鮮粥。

德國寶超級全能飯煲 購買詳情

超級全能飯煲 超級全能飯煲 URC-16 $1550
超級全能飯煲 URC-16 $1550

德國寶廚櫃及電器陳列中心地址:

  • 旗艦店土瓜灣馬頭角道116號新寶工商中心高層地下2-4 號
  • 長沙灣長裕街15號永明工業中心地下(鄰近荔枝角地鐵站)
  • 灣仔駱克道369號置家中心2樓
  • 九龍灣宏照道38號MegaBox 5樓L5-5號舖(宜家家居樓上)
  • 荃灣大壩街4-30號荃灣廣場 435-436店

查詢: 2773 2828
網址:https://goo.gl/ESyd73

最新吃喝玩樂資訊