麥當勞食客遭港童打翻食物 反被港媽要求賠償？事主回應大快人心｜飲食熱話

麥當勞食客被港童撞到應 麥旋風倒掛變魔人布歐

日前有網民於香港討論區發文，指自己在麥當勞櫃檯點餐後，捧著套餐離開櫃檯，不料被一名四處暴走的男童撞到應，男食客被撞到打翻餐盤。男食客描述男童打翻餐盤後，「成個餐跌落佢個頭度」，麥旋風應聲而落倒掛在男孩頭上，「男童仔當場變咗魔人布歐」，而可樂更「當頭淋」在男孩身上。

港媽指「整親個頭」　堅持要賠湯藥費

男童母親見到兒子由頭到腳都是雪糕和可樂，即時怒氣沖沖，破口大罵男食客「唔睇路」，更要求賠償湯藥費，「你杯可樂啲冰整親我個仔個頭！」男食客聽到無理賠償要求頓感無奈，明明是因為小朋友於餐廳亂跑才造成「意外」，冇得食之餘仲要賠錢，男食客當然不肯就範，「我當場火X到！我即刻X佢老母！」

男食客反駁：「你X味！你個仔依家喺間餐廳度周圍跑，撞跌我個餐！我都未叫你賠返個餐錢畀我，你夠膽話我唔睇路，仲賠錢畀你？」但港媽也不是省油的燈，搬出「細路仔係咁㗎啦」的偉論，更指對方是成年人，可以自行閃避，「總之你依家就整親我個仔個頭！」

港媽歪理連篇，男食客最後忍不住「爆seed」鬧爆港媽：「你X味，家陣鬥野蠻吓話 ？OK！你個仔個頭成個X頭咁，整唔整親都冇得救㗎啦！」勢想不到，其他「食花生」的食客聽到事主的一番話後忍不住大笑歡呼兼拍爛手掌，男食客得到圍觀者拍掌支持，港媽形勢大落後，或因被當眾奚落感到十分無面，便帶著男孩悻悻而去，但男食客表示最後港媽也沒有賠償套餐給他。

網民一面倒鬧爆港媽　力撐「炳得好」

事主的帖文引來熱議，不少都大讚事主「炳得好」，亦有人大鬧港媽的行為可恥：「垃圾家長，自己個細路永遠啱哂，人哋錯哂」、「佢哋嗰招就係先下手為強，明明自己唔啱就話咗人哋唔啱先」 ，更有人質疑該對母子是「碰瓷黨」，志在屈無辜的人賠償以賺錢。但亦有網民表示在麥當勞如果不慎將未經食用的食物掉到地上，是可以向職員重新取一份新的食物：「因為以前我見到人打瀉杯汽水，佢哋都斟個杯畀佢哋。」

原文刊於GoTrip