深水埗巨型炸雞髀！新開掃街小食店 鹹蛋黃雞翼+魚皮｜出街搵食
廣告
深水埗最近又有掃街小食店三肥美食進駐！由3位老闆主理，主打成塊面咁大的生炸巨型雞髀，還有一系列鹹蛋黃小吃，每款鹹香惹味，睇見就想食啦！
撰文：Sakura 攝影：Tat
三個肥仔創業 招牌巨無霸炸雞髀
自稱三肥黃先生、阿權與另一位朋友，都是相識多年，大家是同學亦是同事，工作一段時間後，覺得人生茫茫，並無出路，於是萌生一起創業的念頭。其中阿權曾任職中菜館十多年，故主力炮製及設計小吃，他們覺得小吃要有噱頭才能吸引客源，最後就推出現時最受歡迎的巨型炸雞髀和一系列鹹蛋黃系列。
生炸雞髀 大過塊面！
說到招牌生炸雞髀，老闆坦言沒有什麼秘訣，只是想令這街頭小吃變得有點特色，所以選擇Size較大的雞髀，一來夠份量有睇頭，二來雞髀夠厚肉，每一口都啖啖肉。每隻生炸大約10分鐘，當雞髀表面呈金黃色，新鮮出爐的巨無霸炸雞髀就誕生啦！吃落好香脆，勁多肉汁，而且size無得輸，仲大過塊面！
鹹蛋黃系列 足料黃金雞翼+魚皮
另外在店內大賣的﹐是鹹蛋黃系列，包括單骨雞翼、魚皮、鮮菇、四季豆及燒賣五款，鹹蛋黃醬選用新鮮鹹蛋黃、牛油，再炒至半溶狀才放到小吃上。每份鹹蛋黃系列小吃，大約用上2粒鹹蛋黃製成，相當足料，每啖都充斥著鹹蛋黃香，味道濃郁，鹹香惹味！。
三肥自選車仔麵 軟腍牛腩＋豬手
除了多款惹味小吃，同場更有足料飽肚的車仔麵，有多款配料可供選擇，其中最具人氣的就是秘製牛腩和南乳豬手，兩款都炆至軟腍入味，再配上自家熬製豬骨湯，好豐富飽肚！
三肥美食
地址：深水埗南昌街142-144號地下6號鋪（顯示地圖）
電話：3705 2150
營業時間：星期一至日12pm-12mn
相關文章：
深水埗蘇媽 ﹒蘇媽荃灣開分店！招牌肉骨茶任飲＋咖央多士配拉茶｜出街搵食
深水埗新開掃街小食店 20cm特大玉子燒＋3cm厚炸豬扒｜出街搵食
深水埗Triple Steak 石塘咀開分店 $75石板燒安格斯牛扒＋湯飯菜任裝
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
