洗菜貼士｜小棠菜藏綠色異物 網民估計係農藥＋分享洗菜貼士｜飲食熱話

屯門大家樂小棠菜含綠色異物 網民分享洗菜貼士

Facebook專頁「屯門友」代街坊出帖：「大興邨大家樂，食菜要睇清楚菜入面」，相片中事主用筷子掀起小棠菜菜葉，頂部葉內位置驚現點點啡色及綠色異物，事主除了呼籲大家食菜要小心外，更發出靈魂一問：「綠色既唔知係咩黎」。網民紛紛留言為事主解惑：「農藥」、「係將『四聚乙醛』染成藍色顆粒，俗稱『殺螺劑』，一種常用殺蝸牛同鼻涕蟲既農藥。」、「呢款菜好多時呢個位置啲農藥洗唔乾淨」。

食肆洗菜不乾淨！食客頻中招 網民分享出街食菜貼士

更有大量留言表示食肆洗菜通常都不乾淨，只浸一次水，或是求其啤一下水，甚至不洗菜：「以前到而家好多地方都唔洗菜，小棠菜係最髒，好彩你無食」、「其實出面好多食市都無洗菜，由其是包心菜類」、「食肆只浸一次水，撈上嚟就烚比你食，所以街外甚少食菜。」、「最多咪係水位啤下d菜，尤其係佢地呢d用量咁多既，你估會逐條同你洗咩⋯」。

更有人覺得外出食菜最好眼不見為淨，看清楚就分分鐘吃不下了，更分享街外食菜貼士：「出邊食菜最緊要唔好睇，睇咗食唔落架，食泥咪算小野，有時有啲發泡膠夾喺度，通常出街食見到成棵菜，我會咬咗個頂佢，因為一定會攝咗污糟野」更有人斬腳趾避沙蟲，一了百了，對街外食肆毫無信心，索性連菜也不吃了：「外出食飯，多數都吾會叫炒菜，好多都好污糟」、「有農藥， 我好幾年前試過 一次見到好大粒藍色農藥，差啲無命！ 以後食快餐都會走青！」

食肆唔洗菜係常識？vs食肆應負責任

除了以上的留言，網民的意見頗為兩極化，有人覺得食肆不洗菜是常識，見怪不怪，出街吃飯就要有此心理準備，無得好怨：「其實出面好多地方都係咁，第一日出街食咩」、「食大家樂你仲要乾淨是否搞錯了什麼」但部份網民覺得不可以讓步，不能令人覺得食肆不洗菜是常態「係咁架啦！」。

亦有人認為保持衛生及食物清潔是食肆的責任：「其實任何一間食肆嘅食物不是一定要衛生同清潔㗎咩？點解咁多人會覺得喺正常呢？俾老板知道原來咁汚糟D人都接受嘅咁使乜改進？」、「姐喺出去食嘢食到屎都喺實屬正常嘅？無問題嘅？鬼叫你出去食？」。

洗小棠菜小貼士

當中亦有好心網民分享自己的洗菜小貼士：「自己喺屋企煮，係要逐棵逐棵開水喉，小小的水揭開沖。」、「小棠菜同白菜仔一樣，自己煮會切到好深，一瓣瓣搣出黎洗乾淨。外面我唔覺得會咁清潔囉。」

食肆洗菜是否乾淨，我們似乎不能控制到，唯有在家煮菜時，盡量洗乾洗淨，為大家送上洗小棠菜小貼士：

1.對半切開小棠菜。

2.用流水沖洗小棠菜上的污垢。

3. 浸泡小棠菜10～15分鐘，讓殘留的農藥被溶解出來。並且換水最少兩次。