放蛇試食！沙田帝逸酒店自助餐 必食鮮甜生蠔＋惹味燒牛肉｜自助餐放蛇
撰文：Kit｜影片及截圖授權：Mango’s Channel（Instagram: @mangoschannel）
YouTuber 試食！沙田帝逸酒店自助餐
沙田帝逸酒店位於沙田的中心地帶，鄰近沙田工業中心及「第一城」港鐵站。大堂入口氣派十足，綠化裝置非常吸睛，皆因酒店以「現代設計」、「健康生活」及「現代科技」為題，故酒店裝潢強調與自然糅合。餐廳入口易搵，內裡環境寬敞，落地大玻璃透入自然光，恍如置身郊外。
好重海水味！極鮮甜美國生蠔 麵包蟹略失色
生蠔大大隻，淨係望到都覺得吸引呀！Mango話呢隻美國生蠔好重海水味、味道夠鮮甜，正！與氣泡飲料一起放在落地大玻璃前打卡，高級感十足，一定可以呃到好多like～麵包蟹則較失望，蟹膏很少，味道一般，不太推薦。
新鮮先至係Perfect！即炸爆汁天婦羅＋即炒墨汁意粉
食自助餐當然好期待現場即叫即煮，夠新鮮才是最Perfect！來到日本檔位，這裡主要提供天婦羅，師傅已炸好一些放在盤上供食客取用。你亦可以即場點菜，享受熱辣辣的即炸天婦羅，食材包括雞串、秋葵、茄子等等。Mango 認為天婦羅夠新鮮，食落啖啖肉超滿足呀！
另外，與一般酒店自助餐的中式粉麵檔不同，這裡提供西式炒意粉。最驚喜的是炒墨汁意粉！意粉軟硬度適中，Mango話好好味呀～
壽司放題大滿足！熱食選擇超豐富
壽司呢啲基本嘢梗係有啦！魚生壽司同熟壽司都有，唔洗怕有朋友唔食生冷嘢！
熱食方面，炸雞看起來相當吸引！燒羊脾色澤亮麗，有成隻手臂咁長呀，望落都想食！另外亦供應燒牛肉，Mango 話燒牛肉真係好好食呀。
任食Mövenpick超幸福！中西式甜品樣樣齊
自助餐後期狂食甜品是常識吧？帝逸酒店自助餐提供任食Mövenpick雪糕！食多兩杯就值回票價啦～
除了Mövenpick雪糕外，酒店亦提供西式小蛋糕如紅桑子朱古力蛋糕、水果撻、芝士蛋糕等等。
自助餐提供中式甜品讓大家暖吓胃，例如是紅豆沙、豆腐花等等。
埋單！每人$368滿載而歸 附泊車貼士
Mango 埋單後每人$368，同朋友都食到好滿足！生蠔好重海水味，食落好新鮮；炒墨汁意粉是必食！天婦羅即叫即製很滋味，最後食埋Mövenpick雪糕為自助餐畫上完美句號。另外，揸車來的朋友可以選擇早點到埗，便可泊在酒店門前車位，出入都非常方便呢！埋單後記得取泊車票，便可享有每消費$500 免費泊車一小時優惠。
前菜：★★★
熱食：★★★★★
海鮮：★★★★★
甜品：★★★
服務：★★★
總結：★★★★
沙田帝逸酒店Alva House自助早午餐/ 自助午餐
餐廳：沙田帝逸酒店Alva House
地址：香港沙田源康街1號 ( 顯示地圖)
– 自助早午餐 (只限星期六、日及公眾假期）
供應時間：首輪：上午11時15分 – 下午1時45分
次輪：下午2時15分 –下午4時45分
價錢：成人： $468
小童（5 –11歲）：$328
– 自助午餐 (只限星期一至五）
供應時間：中午12時 – 下午2時30分
價錢：成人： $328
小童（5 –11歲）：$228
* 價目另收加一服務費
*價目如有更改，恕不另行通知
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
