店員力數西客行為：臨收工落單、奶茶少少甜！網民：有料咪轉行｜飲食熱話

Dec 5 2022

食客飲檸水奇怪要求！極品西客要求千奇百怪：檸水走水、關門瀨死唔走！早前有從事飲食業的網民於討論區發文，力數極品西客行為，點餐時專門叫餐牌上沒有的東西，極盡刁難。該名網民在訴苦文中批食客欠同理心，帖文一出旋即引起大量網民熱議，不少人認為事主投訴的所謂西客，要求並非不合理，更力勸事主「有料咪轉行」，似乎圍爐不成！

檸水走水、西餐要食雲吞麵千奇百怪要求極盡刁難

從事飲食業的網民在連登討論區以「香港人可唔可以唔好咁X仆街，做食客俾啲同理心好嗎？」為題發帖，文中力指難服侍的香港人欠缺同理心，指不少客人會在點餐時專門叫餐牌上沒有的東西，如「西餐走嚟問有冇雲吞麵、中餐走嚟問有冇卡邦尼意粉」，又或「四寶飯四寶麵已經set咗邊四寶，又要問可唔可以轉呢樣嗰樣」，有同業亦指有客要求「熱檸水走水」、「凍檸茶走檸檬」，極盡刁難，令到本身已經因餐廳減省人手而工作量倍增的侍應，做到燥底，一肚氣有感而發：「咁想食咪入廚房煮囉」、「咁想揀咁想轉你咪去食車仔麵囉」。

檸水走水事主力數有西客會「西餐走嚟問有冇雲吞麵、中餐走嚟問有冇卡邦尼意粉」，又或「四寶飯四寶麵已經set咗邊四寶，又要問可唔可以轉呢樣嗰樣」，極盡刁難。 — 事主力數有西客會「西餐走嚟問有冇雲吞麵、中餐走嚟問有冇卡邦尼意粉」，又或「四寶飯四寶麵已經set咗邊四寶，又要問可唔可以轉呢樣嗰樣」，極盡刁難。（圖片來源：新假期編輯部）

任性客堅持侍應人手落單隨心所欲轉配搭

同時，他又指出不少餐廳食肆提供二維碼（QR code）自助點餐減少樓面人手和成本，不過要求多多的西客：「有得用QR code落單，都係唔X用，樓面做嘅嘢已多咗，依家仲要招呼你一個幫你落單？」而任性的客人以為去到餐廳都可以隨心所欲，有客去茶餐廳叫飲品「微甜」、「少少甜」，認為可以好似茶飲店般想點就點落柯打，「唔好諗住其他餐廳食肆有得咁做」、「嘢飲我哋已經有得揀少甜，咩叫少少甜？咩叫微甜？」普通食肆廚房都有自已的規矩，食物飲品並非可按客人心意隨意轉換。

西客檸水走水有客去茶餐廳叫飲品「微甜」、「少少甜」，樓主投訴：「嘢飲我哋已經有得揀少甜，咩叫少少甜？咩叫微甜？」。 — 有客去茶餐廳叫飲品「微甜」、「少少甜」，樓主投訴：「嘢飲我哋已經有得揀少甜，咩叫少少甜？咩叫微甜？」。（圖片來源：新假期編輯部）

西客檸水走水餐飲業的網民亦指有客人會要求多多，發出千奇百怪的提問。 — 餐飲業的網民亦指有客人會要求多多，發出千奇百怪的提問。（圖片來源：LIHKG討論區截圖）

西客檸水走水樓主就話客人要求少甜無問題，但仲要指定少甜的程度，要求不合理。 — 樓主就話客人要求少甜無問題，但仲要指定少甜的程度，要求不合理。（圖片來源：LIHKG討論區截圖）

西客最後一分鐘先落柯打關門都瀨死唔走

香港人雖然鍾意返工，但「阻人收工猶如殺人父母」，樓主亦投訴不少西客要等到最後一刻才下單點餐，「舖頭8:00截單，8:30關門，客人都夠膽死7:59入嚟，仲要8:30都未走，面皮真係厚X過地殼」，而且過晒關門收工時都瀨死唔走，怒斥西客，「俾劉德華『今時今日咁嘅服務態度唔夠㗎』，搞到個個當正自己係大爺」。

檸水走水樓主認為西客恃住劉德華金句：「今時今日咁嘅服務態度唔夠㗎」而對服務業要求多多。 — 樓主認為西客恃住劉德華金句：「今時今日咁嘅服務態度唔夠㗎」而對服務業要求多多。（圖片來源：youtube@hk00adloversinc1990a）

西客檸水走水阻人收工猶如殺人父母，除了餐飲業外，從事零售界的網民一樣受害。 — 阻人收工猶如殺人父母，除了餐飲業外，從事零售界的網民一樣受害。（圖片來源：LIHKG討論區截圖）

要求並非不合理網民：你有料咪轉行

帖文一出旋即引起大量網民熱議，不少從事餐飲業的同行認同香港人要求多多，「叫個麵又話煮淋啲，仲有叫外賣熱檸水走水」、「好多國家投訴最西遊客頭3名成日有香港份」，投訴之都果然名不虛傳，亦指出「講真繁忙時段邊得閒理佢個別要求」、「落咩order都係出同一樣野囉」。

不過亦有不少網民認為事主投訴的所謂西客，要求並非不合理，更力勸事主「有料咪轉行」、「事實上餐廳未截龍就可以入」、「而家係好多鋪頭四寶飯有得揀喎」、「走水有咩問題？外賣拎到去飲得都酸到仆街，叫過幾間餐廳都主動問洗唔洗走水」、「我去茶記食啲普通嘢，餐牌無寫但真係有得食，咁又點解釋」，似乎圍爐不成反被網民圍攻！