樓上零食8大必買推介！杜拜朱古力條/開心果威化餅/巴斯克芝士蛋糕

相關文章：馬莎零食食品11大必買推介、MUJI無印良品10大零食食品推介

樓上零食8大必買推介｜1.杜拜開心果朱古力條

近期最多人掃貨的是樓上新出的杜拜開心果朱古力棒，價錢超平每條$5（會員價及零售價同一價錢），很快就在開心果關注組掀起熱話，有網民試完表示不太甜，幾好食，多間分店已開始缺貨。杜拜開心果朱古力棒咬落啖啖鬆脆的開心果味，配搭埋朱古力口感層次豐富，開心果迷要買！

樓上零食8大必買推介｜2.開心果朱古力威化餅

另一款開心果朱古力威化餅是土耳其進口，同樣得到開心果關注組成員熱捧，每件僅需$4，開心果味濃不過比較甜，口感鬆脆，以這個價錢真心抵。

樓上零食8大必買推介｜3.手工鑽石沙布列（手工曲奇系列）

樓上的手工曲奇系列在小紅書熱推，會員價每樽$31-$57，提供6款口味，包括開心果杏仁、雲呢嗱醬油、伯爵茶、抹茶柚子、榛子朱古力及甜辣櫻花蝦。曲奇外層撓上砂糖，口感酥脆，有網民更指好吃過香港遊客必買的小熊曲奇！

樓上零食8大必買推介｜4.巴斯克芝士蛋糕

上年樓上推出一系列巴斯克芝士蛋糕，一度掀起熱話，網民更大讚好食！蛋糕一共有5款口味，包括原味、開心果、抹茶、玄米茶麻糬及特濃可可，當中最推薦後兩者。特濃可可巴斯克，可可味濃郁微苦；玄米茶茶香清爽唔甜膩，麻糬口感夠煙韌！巴斯克芝士蛋糕標榜100%自家製手造烘焙，採用經典澳洲忌廉芝士製作，價錢由$102-138不等，CP值幾高！

樓上零食8大必買推介｜5.開心果酥

Threads脆友及小紅書都大力推介的開心果酥（售價$54；會員價$51） ，結合開心果、杏仁和腰果的組合，充滿豐富的堅果風味。食落味道微鹹，外層加了糖漿把果仁黏合，但不會很甜，好食到一口接一口停不到！

樓上零食8大必買推介｜6.即食藍芝士粒

樓上招牌零食之一就不得不提即食藍芝士粒（售價$31；會員價$29），這款芝士粒全部都獨立包裝，摵開即食非常方便，芝士味香濃，而且成份有滿滿的蛋白質，既健康又好食！

樓上零食8大必買推介｜7.八爪魚芥辣絲

八爪魚芥辣絲（售價$34；會員價$32）獲得最多大陸小紅書網紅介紹，一包內有薄切的乾八爪魚切片及綠色的芥辣絲，淡淡的芥末味不嗆鼻，從不少貼文也看到他們買數十包回家，甚至說到八爪魚芥辣絲是店中的「超級斷貨王」，可見非常受歡迎！

樓上零食8大必買推介｜8.韓國烤魚乾

韓國烤魚乾（售價$35；會員價$33）煲劇必備！烤魚乾軟硬適中，蜂蜜味甜甜哋，包裝更附送一小盒辣醬，越食越上癮！