榴槤點揀？5招揀最靚貓山王！4大必吃品種、開榴槤技巧、保存方法
榴槤點揀｜榴槤B哥教你5招揀最靚貓山王！
- 拿起看看是否重身，若果過份重而不合比例，代表不是一個靚榴槤。
- 一般馬來西亞榴槤由樹上跌下後，會用橡筋札實底部以防爆口，所以購買前需看看榴槤底部，避免購買爆口榴槤。
- 內行人會搖一搖榴槤，檢查肉身是否已離殼，即代表果肉熟透。
- 購買前聞聞榴槤，味道是香還是酸味。
- 想觀察榴槤新鮮度，可找店員挖榴槤椗，入面呈青綠色代表是12小時內運到港，十分新鮮，若過呈灰黑色就不要購買。
榴槤點揀｜如何區分榴槤肉數量？
主要看外形及底部。底部有五角星多數有五瓣果肉。但也要看形狀﹐若果外貌一邊扁平，即使五角星，也有機會減少一瓣果肉。
榴槤點揀｜榴槤數字代表甚麼？
榴槤數字例如D24、D197等，是馬來西亞農業為名種榴槤命名的編號，數字的大細是以發現榴槤品種的先後次序之分。現時以馬來西亞為例，已命名的品種已經超過200款，還有些沒有名字的榴槤，稱為金榜榴槤、野生榴槤或土榴槤。
榴槤點揀｜青色的榴槤代表未熟？
榴槤殼的顏色與成熟度沒有關係的，青色殼的榴槤是基於榴槤樹齡較年輕，種植的榴槤味道相對不太甘， 顏色較深黃帶點灰的榴槤，樹齡超過50年以上，正所謂薑愈老愈辣，榴槤樹愈老，種出來的榴槤味道愈甘。
榴槤品種｜4大必吃馬拉品種
今次請來榴槤達人榴槤B哥講解榴槤行情、4大品種及冷知識。究竟貓山王和其他榴槤品種有什麼分別？要點揀先揀到最靚榴槤？即睇達人教路。
馬來西亞、泰國、越南種植榴槤方法有所不同，馬來西亞全部都是樹上熟，期間不經人手採摘，再用飛機運至各地，一般保存期只有3日。泰國、越南等國家，榴槤在未成熟之前就經由人手摘下，再用船運20多天待熟，保存期長達1個月。
榴槤品種｜1. 貓山王
貓山王是眾多榴槤中，最多人喜愛的款式，因為不論肉質和味道都最獨特。靚的貓山王外觀上較圓潤，底部呈五角星紋，肉質金黃色，核扁身及細，入口有麝香貓的榴槤香味，甜中帶甘，味道最強烈及霸道。
榴槤品種｜2. 竹腳
竹腳香港較罕見、產量較少，香港人較陌生。竹腳與貓山王相似，偏橢圓修長，尾部尖瘦，形狀有點像婀娜多姿女人。肉身淡黃，口感Creamy，甜中帶甘，行內人稱之為貓山后。
榴槤品種｜3. 黑刺
是近年當紅新星，原因是容易入口，比貓山王更甜，對於初試榴槤者更易接受。黑刺外觀呈圓形 ，像波一樣，果肉偏橙黃色，回甘味最濃郁。
榴槤品種｜4. D24（XO）
D24（XO）性價比最高，因為產量多，價錢相對便宜。XO外殻表面較尖較長，果肉淺黃色，核偏大，肉質柔滑 ，甜中帶酒香。
榴槤｜貓山王ABC果有甚麼分別？
貓山王可分為A果、B果及C果，以形狀來區分，形狀愈圓潤且較多肉，稱為A果；外觀凹凸不平或一邊扁平，有機會榴槤肉瓣數減少，則稱為B果，如此類推。味道與肉質是沒有分別，只不過榴槤肉量多與量少之分，通常A果售價最高。
榴槤禁忌｜食榴槤最佳配搭及禁忌
老人家、患有高血壓、糖尿病人士應少食用。此外，食用榴槤不要配搭飲酒，會引致血壓迅速升高；最佳配搭是清熱水果，如生竹、椰青等。
榴槤｜如何開榴槤？
開榴槤最緊要看榴槤底部的沿線，例如尾部的五角星。B哥建議帶手套或用毛巾按壓榴槤，用榴槤刀在底部的五角星劈開，再逐辦取出榴槤肉。坊間不少人使用菜刀或螺絲批，B哥則說，這2款工具可以開貓山王，其他品種會較難開殼，建議購買前請員工協助。
榴槤最佳食用期及保存方法
從樹上自然熟透而跌下起計，馬來西亞榴槤空運到港3日內要食用，B哥建議即日食用最佳。「榴槤同湊仔一樣，千萬不要讓它處於過熱過凍的地方。」B哥指如果購買榴槤後不是即日食用，可將榴槤肉放入密實盒內，切忌使用保鮮紙，味道會容易滲透至整個雪櫃。放入雪櫃可保存兩日，放入冰格能保存多幾天，只需食用前解凍約10分鐘即可。
如何去除手上榴槤味？
馬來西亞民間做法是用手食榴槤後，會用榴槤殼搓手及清水沖洗，可去除手上榴槤味。
- 店名：榴槤B哥
- 分店地址及營業時間：按此
- Facebook專頁：DurianBGor
食榴槤有甚麼禁忌？
食榴槤切忌飲酒，詳情按此。
如何去除手上榴槤味？
只需一招即可除去手上的味道，詳情按此。
