榮記茶餐室首創煲仔沙嗲牛肉麵！慈雲山街坊店日賣80煲 6款配料可選 香辣惹味｜區區搵食
廣告
榮記茶餐室可是為位於慈雲山的一間老店茶餐廳，以招牌煲仔飯馳名。最近秋風起，在眾人心思思想食煲仔飯時，竟搞搞新意思，賣煲仔沙嗲牛肉麵，高峰期更可日賣80煲，不少街坊食過都讚好，有咩咁巴閉，即睇詳情啦！
撰文：Rice｜圖片來源：慈雲山榮記茶餐室
黃大仙慈雲山榮記茶餐室
首創煲仔沙嗲牛肉麵 日賣80煲！
位於黃大仙慈雲山的榮記茶餐室，開業20多年，一直以煲仔飯馳名全港，當中招牌流浮山金蠔蝦乾煲仔飯和芝士煲仔飯也是得意之作，不少顧客專程上門一試。不過最近一眾老饕又有新目標，原來是新產品「煲仔沙嗲牛肉麵」。老闆Ray專誠找廠商研發出自家沙嗲膽，以大量花生碎、蝦米碎、大地魚粉炮製，味道香甜帶辣，有濃濃花生香，做得出色。說明是煲仔，當然要用上瓦煲呈上。每煲都是獨立煲煮，先炒香沙嗲膽，加入芽菜、清水及椰漿，再放進新鮮牛冧肉，最後加入出前一丁，撒上葱花就可以上枱。
煲仔熱力十足，麵條掛汁，香濃惹味。
一打開煲蓋，沙嗲濃厚的花生香已撲鼻而來，肉眼已見到花生粒，相當足料。牛冧肉口感軟腍柔軟，牛味濃重，沒有被沙嗲味道搶過風頭。出前一丁掛汁彈牙，食得嗦嗦聲，很是滋味。難怪一推出，已有熟客捧場，創下日賣80煲的佳績。也有豬肉、雜扒、米粉及粉絲配料可選，夠晒多元化。
