格仔餅全港Top13推介！最平$12＋鹹蛋黃餡料＋爆漿金莎朱古力味｜區區搵食
–
港島區
1)太安樓人氣小食店蛋糕質感厚餅底
位於西灣河的鴻記極品雞蛋仔，裝潢格局簡約低調。小食店主打格仔餅及雞蛋仔，格仔餅有原味、朱古力及士多啤梨3款口味。格仔餅底頗厚，近2.3cm。外皮色澤平均，呈深啡色，口感像蛋糕鬆軟。店主沿用傳統醬料，包括花生醬、甜奶、牛油等，加上朱古力及士多啤梨醬。另外也有賣自家製涼茶，如雞骨草、紅豆水、蛇舌草等，每晚營業至1am，買來當宵夜亦得。
餐廳：鴻記極品雞蛋仔
地址：西灣河筲箕灣道57-87號太安樓第二街A34C號舖（顯示地圖）
電話：28864422
營業時間：星期一星期日 12:00 – 01:00
Facebook專頁：鴻記極品雞蛋仔
2)希雲街米芝蓮小店 微脆煙韌非常足料
曾榮獲米之蓮推薦的媽咪雞蛋仔，必定係格仔餅迷之選！小店門面的彩色鋪名燈非常吸睛！格仔餅底分別有原味、咖啡及抹茶選擇，可配意大利金莎榛子醬夾心。格仔餅厚度正常，色澤金黃均勻。口感香脆煙韌。另外，小食店的雞蛋仔亦一分受街坊歡迎，雞蛋仔口味是眾店中變化最多，有鹽燒紫菜粟米、鳳凰卷、香蕉朱古力等10多款口味。到訪這裡不妨一試雞蛋仔！
餐廳：媽咪雞蛋仔
電話：從缺
營業時間：星期一星期日 12:00 – 20:45
Facebook專頁：媽咪雞蛋仔總店
3) 歷史悠久小食店 蛋香濃郁地道風味
這間位於北角的小食店，看似毫不起眼，其實深受街坊歡迎。小店於1991年起家，現在有5間分店，主打原味格仔餅及雞蛋仔，不搞花臣口味，忠於傳統。曾入圍2016及2017年米芝蓮街頭小食推介，惟2018年卻跌出名單。餅底厚度正常，比較厚實，口感酥軟，非常有嚼勁，吃起來不覺飽滯。而餡料亦是忠於傳統，沿用花生醬、砂糖、奶油、煉奶。
餐廳：利強記北角雞蛋仔
電話：25909726
營業時間：星期一星期日 07:00 – 23:00
Facebook專頁：利強記北角雞蛋仔
4) 格仔餅迷必試 特色鹹蛋黃餡料
筲箕灣低調高手大街小食嘅格仔餅絕對唔低調，可謂係格仔餅迷嘅聚腳地！小食店獨沽一味只賣雞蛋仔及格仔餅，由街坊小店變成朝聖名店，連容祖兒、謝霆鋒也來幫襯。繁忙時間例必大排長龍，店內5部格仔餅機、10部雞蛋仔機密密出爐。最受食客歡迎嘅係鹹味系列，鹹蛋黃格仔餅！店主將鹹蛋黃融合傳統格仔餅，啖啖鹹香酥脆，更咬到粒粒砂糖，滋味十足，係必試之選！
餐廳：低調高手大街小食
地址：筲箕灣東大街76A號B3號舖地下（顯示地圖）
電話：66015300
營業時間：星期一星期日 13:00 – 21:00
Facebook專頁：低調高手大街小食
–
新界區
5) 街坊熱捧街頭美食 獨家熔心芝士味
由佐敦渡船角小食店，搬遷至石籬商場的乜嘜雞蛋仔，由三個80後男生開設，幕後軍師也是雞蛋仔老師傅。格仔餅除了原味，也有抹茶味及咖啡味。餅底厚度正常，蛋香濃郁，帶點空氣感的格仔餅，口感鬆軟不死實。另外，雞蛋仔系列也相當受歡迎，傳統以外不乏新派口味，如抹茶紅豆、抹茶朱古力、熔心芝士、榛子咖啡朱古力等選擇。除了雞蛋仔及格仔餅外，還有不少街頭小食如撈麵、腸粉、魚蛋、碗仔麵等。
餐廳：乜嘜雞蛋仔
地址：葵涌圍乪街6號石籬商場一期1樓A107B號舖（顯示地圖）
電話：91688893
營業時間：星期一星期日 11:00 – 21:00
Facebook專頁：乜嘜雞蛋仔 McQ
6) 天水圍芯記甜品小食 超抵食爆漿格仔餅
位於天水圍一個小商場嘅芯記，雖然舖位細細，但成功鎖住一眾學生及街坊嘅胃口！嚟到呢度必試招牌爆脆格仔餅！雖然餡料無獨特口味，但係脆卜卜嘅外層，加上真係爆漿爆到外賣袋都濕哂，所以吸引咗好多格仔餅迷嚟食！店主落醬非常大方，拎上手已經爆哂漿！大家食嘅時候小心啲呀！
餐廳：芯記甜品小食
地址：天水圍天湖路1號嘉湖新北江商場地下A147-148號舖（顯示地圖）
電話：26174330
營業時間：星期一星期日 12:30 – 01:30
Facebook專頁：芯記甜品小食
7) 大埔安慈路雞蛋仔專門店 金莎朱古力格仔餅
距離大埔墟港鐵站約10分鐘車程的昌運中心，有間小食店專賣雞蛋仔和夾餅。格仔餅底($13)可選原味、朱古力味和士多啤梨味。加$3可配朱古力醬、芒果醬、士多啤梨醬或芝麻花生碎，加$5可選金莎朱古力醬。所有雞蛋仔和格仔餅可即叫即製，需等3-4分鐘。人氣No.1 之選必定是金莎朱古力格仔餅！餅底鬆軟，金莎朱古力醬很濃厚，搽滿了整個格仔餅，仲食到同花生粒！除格仔餅外，這裡還賣非常罕見的潮州冷糕！之前一間位於油麻地的隱世冷糕店被逼停業，要吃便可能要到澳門！現在想懷舊一下，到大埔就掂。
餐廳：雞蛋仔專門店
地址：大埔安慈路4號昌運中心榮昌閣地下14A號舖（顯示地圖）
電話：從缺
營業時間：從缺
Facebook專頁：雞蛋仔之專門店
8) 屯門新墟巧巧味 12蚊大大底格仔餅
裝潢港式地道的巧巧味小食店，舖位細小，主打供應多款街頭小食。這裡的格仔餅只有2種味道，分別是原味及朱古力味。小店沿用牛油、煉奶、沙糖及花生醬為主要醬料。多奶多醬，加上厚身嘅餅底，無減外脆內軟嘅口感，可見店主高超的技術。格仔餅咬落空氣感十足，但蛋味不夠濃。
餐廳：巧巧味
電話：從缺
營業時間：星期一星期日 13:30 – 22:00
Facebook專頁：巧巧味
–
九龍區
9) 紅磡寶利閣雞蛋仔價錢親民抵食
40多年歷史的老字號，老闆憑著雞蛋仔及格仔餅，由木頭車做到入舖。口味多元化，有朱古力、抹茶口味選擇，也可加芝麻、肉鬆等配料。雖然餅底比一般格仔餅薄，但仍不減酥脆口感！看著店主製作格仔餅時，陣陣濃郁的蛋香已經撲鼻而來，每啖都充滿花生醬夾雜著煉奶，滋味非常。厚班戟亦是其招牌，有沙律芒果、蛋白榨菜肉鬆、榴槤等餡料選擇。
餐廳：紅磡雞蛋仔
地址：紅磡大沽街寶利閣2號舖（顯示地圖）
電話：從缺
營業時間：星期一至三 12:00 – 20:00、星期四休息、星期五至日12:00 – 20:00
Facebook專頁：巧巧味
10)旺角彌敦道Ice Puff 七吋巨型格仔餅
入到旺角中心一樓必經的Ice Puff，是場內最多人幫襯的小店之一。鐘意食格仔餅嘅你，不得不去Ice Puff 朝聖！店內有4款格仔餅口味，兩層格仔餅加起來足足有7吋厚，多料爆餡，超級抵食！必試款式有阿華田脆脆超厚格仔餅！阿華田醬十分足料，更摻入脆脆，食落多重口感，層次非法豐富。橫切面都睇得出超厚，記者實測一啖咬不到兩層！
餐廳：Ice Puff
地址：旺角彌敦道688號旺角中心一期1樓F51舖（顯示地圖）
電話：66255348
營業時間：星期一至六13:00 – 22:30、星期日13:00 – 20:00
Facebook專頁：Ice Puff
11)新蒲崗629格仔餅 超厚份量炭燒咖啡味
呢間雞蛋仔專門店出名價格實惠，最平$18就有得食經典之作！店主堅持認真製作，即叫即製，就算製作時間需時，都依舊深受街坊歡迎！必試款式有炭燒咖啡格仔餅同金莎朱古力醬格仔餅！濃香焙煎過嘅咖啡，味道唔會太苦，咖啡味非常突出，配合格仔餅醬料，超有口感！餅底超厚，超過2cm，醬料豐富，包括牛油、花生醬、甜奶及黃糖，絕對無偷功減料！加$5仲有得加Oreo！
餐廳：629 雞蛋仔
電話：從缺
營業時間：星期一至六 12:00 – 20:00、星期日休息
Facebook專頁：629 雞蛋仔 – 629eggwaffle.com
12) 新蒲崗摩芽雞蛋仔 爆漿雙重朱古力
人氣之選有雙重朱古力格仔餅！爆醬朱古力，配上鬆厚餅底，加埋濃郁嘅蛋味，絕對係店主誠意之作！芝士格仔餅夠脆，帶有芝士的鹹香，但與餡料的甜不太夾，還是各自分開較好。另外，摩芽雞蛋仔獨家研製嘅星星雞蛋仔非常吸睛！小店主打不同朱古力口味雞蛋仔，分別有橙味、原味同榛子味。值得一提嘅係，摩芽雞蛋仔仲研製咗急凍格仔餅同急凍雞蛋仔俾食客帶返屋企食。拎返屋企叮一叮就食得！疫情下就唔怕衛生問題喇！
餐廳：摩芽雞蛋仔
地址：新蒲崗康強街32-34號康強洋樓地下16A舖（顯示地圖）
電話：92088979
營業時間：星期一至日12:00 – 21:30
Facebook專頁：More Eggettes 摩芽雞蛋仔
13)九龍城老字號鋪頭「獨沽一味」格仔餅
呢間放學經過一定會幫襯嘅老字號鋪頭，真係附近街坊嘅回憶啊！格仔餅忠於傳統，只做原味。但仍然不少街坊排隊買「獨沽一味」嘅格仔餅！大大底格仔餅，厚身工整，食材新鮮足料，口感非常有嚼勁！店子首創餡料夾心雞蛋仔，即叫即做，平均要等上20-30分鐘，是人氣街坊長龍店。另外亦有其他小食，如魚蛋、燒賣、撈麵等。
餐廳：恆發雞蛋仔
電話：23838093
營業時間：星期一至日09:00 – 00:00
Facebook專頁：恆發雞蛋仔
–
備註：由於疫情關係，所有餐廳均於23:00關閉。
撰文：新假期編輯部｜圖片來源：官方圖片、FB、IG
即睇更多：
雞蛋仔全港Top13推介！全港獨家雞蛋仔蠔餅＋西式純素雞蛋仔＋人氣No.1臘腸芝士味｜區區搵食
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
