韓國鐵板雞店 柳氏家 登港 首設 $88炒辣雞放題 |沙田食乜好|

「 柳氏家 」鐵板雞專門店香港店首推$88放題

放題由$88/位起，客人已可自選1款炒雞，味道包括原味招牌的「柳氏家辣炒雞」、大辣的「炭烤味辣炒雞」、微辣的「烤肉味炒雞」，以及香港與韓國同步推出的新口味「味噌蜜糖炒雞」。每份鐵板雞都會加上爽甜蔬菜，配合「柳氏家 」總店直送的獨家醬汁，在客人即叫即炒出強烈濃郁滋味。

招牌原創口味，中級辣味，以紅辣椒、蒜頭與糖漿調味香味誘人，配上三味年糕（原味、芝士及番薯）及新鮮蔬菜等配料，層次分明，口感豐富。

4款鐵板雞中辣度最強，原塊雞扒烤好，令雞肉帶燒烤香味，且鎖住肉汁，加倍辣味，也讓你越吃越刺激！

辣度最小，加了韓式BBQ醬醃製，屬甜辣口味，似傳統烤肉，平易近人！

韓國人專為香港人而研發的新口味，甜美蜜糖加上韓式味噌醃製，味道濃郁不辣，加上蛋黃同炒，雞肉分外嫩滑，且帶淡淡蛋香。

超抵！ 加$30海鮮拼盤

只要加$30（午市60分鐘）或加$40（午市90分鐘及晚市90分鐘）即可為鐵板炒雞升級，加入各式海鮮一同爆炒，增加鮮味。雜錦海鮮最抵，包括煙韌香口的八爪魚、大蝦和青口，令人滿足。

另外跟足韓國食法，食完炒雞，剩下的雞肉碎和辣醬，可以加飯拌炒。

除了加飯加海鮮，韓國菜點會唔加芝士？喜歡芝士的話，在鐵板外圍加上濃厚芝士，芝士以水牛芝士與哥達芝士混合而成，可以用來蘸雞肉。

放題區！ 10款以上韓食+甜品飲品

香港店首設的放題任食區，選擇亦唔失禮，包括一系列是日傳統韓國美食，如辣炒五花腩、燉牛肋骨、甜辣炸雞、宮廷炒年糕通通有，此外，20款韓國飲品亦是任飲，絕對可以吃飽，回本走！

放題區乾淨企理。

多款泡菜，配肉的生菜，也是大方任你吃！

蛋糕細細件，可以試多幾款。

韓式飲品有兩大個雪櫃，由汽水果汁，到無糖茶都有！

雪糕是本地品牌出品，勝在味道多款，有蜜瓜、豆腐、士多啤梨等等！

香港柳氏家
地址：沙田新城市廣場1期7樓709號舖
營業時間：星期一至日12:00nn – 11:00pm
電話：3571 9993

收費詳情：

1. 60分鐘午市套餐
   招牌鐵板炒雞：成人$88 / 位
   招牌鐵板炒雞 + 海鮮：成人$118 / 位
   – 可享用鐵板炒雞或/及海鮮1次
   – 無限次享用放題區美食

2. 90分鐘午市套餐
招牌鐵板炒雞：成人$138 / 位
招牌鐵板炒雞 + 海鮮：成人$178 / 位
– 無限追加鐵板炒雞或/及海鮮
– 無限次享用放題區美食

3. 90分鐘晚市套餐
招牌鐵板炒雞：成人$198 / 位
招牌鐵板炒雞 + 海鮮：成人$238 / 位
– 無限追加鐵板炒雞或/及海鮮
– 無限次享用放題區美食