日本士多啤梨 果欄 油麻地果欄 甜王
日本士多啤梨 果欄 油麻地果欄 甜王

【果欄情報】季尾Last Call!果欄日本士多啤梨大減價 甜王$90一箱兩盒!

飲食

廣告

最近行過果欄,發現不少日本士多啤梨做緊大減價,皆因其當造季節已經接近尾聲,欄商都實行減價益街坊,讓大家把握最後機會食平靚正士多啤梨。價錢一劈再劈,由上星期賣$100一箱,到今個星期$90一盒兩包,超抵!港人最愛的甜王、熊本士多啤梨等多款品種都有減,即睇以下幾款精選品種。

撰文及攝影:ning

迫爆果欄!日本士多啤梨大減價

日本士多啤梨的當造季節,一般都是每年11月開始,到2月底結束。記者問過欄商,雖然已踏入三月份,但近日依然還有不少日本士多啤梨到貨,品質也佳,酸甜有致的味道都符合港人口味。

貨量多,自然可以平價益街坊。不過欄商也提醒,始終是季尾,貨量也會相對浮動,隨時賣晒就無,所以大家都要把握最後Last call機會買日本士多啤梨了!

假日的果欄已經夠人山人海,遇上日本士多啤梨大減價,更是多人過年宵!針都插唔入!

減價品種逐款睇!

果欄現場所見,價錢的確一減再減,上星期最平$100一箱兩包,剛過去的周末再去巡視,竟然再跌至$90一箱兩包,比起超市依然賣緊$150一箱,絕對係「痴線價」!而且頗多品種都有減價,以下幾款就最抵。

福岡甜王

最多人認識的日本士多啤梨品種,味道濃香而甜,但亦帶小酸,口感腍滑。雖然踏入季節尾聲,但依然飽滿大粒又紅潤。

熊本熊紅

來自熊本縣,粉紅色的搶眼紙盒,包裝上更有熊本縣吉祥物Kumamon熊本熊的可愛樣子,Fans必買必儲必食!賣相圓潤肥美,就如Kumamon一樣,味道也香甜多汁。

熊本戀實士多啤梨

2017年新登錄的品種,口感較為爽脆,果肉為奶白色至淡櫻花色,粒粒皆為心形,酸甜平均。

佐賀穗之香

佐賀人氣士多啤梨之一,認住包裝紙上的日本LICCA娃娃即可。水滴形狀夠可愛的骰,賣相鮮艷亮紅,食落酸甜有致,士多啤梨香氣也頗突出。

長崎夢之香

口感比一般士多啤梨結實,飽滿多汁,因為臨近完熟才收割的關係,每粒都是鮮艷紅色,味道甜美帶少酸。

銷售點:

油麻地果欄一帶(欄之選、伍記欄、有利果欄、進濤菓欄)

備註:士多啤梨價錢及減價品種只供參考,以當日欄商定價及貨量為準。

延伸閱讀:

【出街搵食】東海堂新品!首推水果抹茶大福+布甸系列 指定分店有售!|甜品蛋糕|

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..