磚頭飯
磚頭飯

最抵$13燒肉飯!香港磚頭飯與3大抵食飯盒

飲食

廣告

每逢到月尾,打工仔一族都會出現兩種病症!一係荷包乾硬化(無水)、二係缺乏維他命M(No Money),在這個時期,東西可以不買但飯不可以不吃!不過平時一個餐都要四、五十蚊,屋企無人煮飯又無帶飯的情況下,難度要餓住肚子過日子?當然不用這麼慘慘豬,今期我們就搜羅了4大窮人恩物!包你食得飽!

明益學生 $13百變魚蛋燒賣飯

葵涌廣場有多個必食小店,其中$13飯實在不得不提,$13百變飯,讓學生自選粟米肉粒、腸仔、熱狗腸、肉醬、獅子狗、魚蛋、燒賣、煙鴨胸、蟹柳待配料,而醬汁有黑椒、芝士、日本豉油汁、咖喱汁、粟米、茄汁及滷水汁,還可以選擇要飯底、意粉或印尼撈麵!為的就是讓學生們不會吃到悶。

@mandymanlovefood 張貼的相片 張貼

 

# 平民食 @ 香港HK ?(@hongkongerfood)張貼的相片 張貼

 

日式咖哩雞扒飯 $18
大大件雞扒,食肉獸最啱

咖喱魚蛋飯 $13
自家製作,用上超過24種香料製成。

黑椒汁珍寶腸腸仔飯 $13
兩款腸仔,再加上黑椒汁夠野味。

(提提大家,星期一至五11:00-2:00期間,可以加$6有1串魚蛋同1串腸仔加料)

回味無窮

地址:葵芳葵富路7號葵涌廣場2樓C83號舖 (顯示地圖)
電話:9864 2006
供應時間:10:00am-11:00pm (星期日休息)

只做外賣 $25海南雞飯有湯送

於香港食一個海南雞飯閒閒地都要50多元,仲未必一定係油飯,但位於筲箕灣的海南雞專門店只係需要$25就有飯有雞有湯,而且有白飯或雞油飯選擇。醬汁方面有豉油、酸辣醬同埋薑茸3種(可以要哂3樣),送的是冬瓜湯,雖然細細杯但一個人外賣返屋企食,絕對夠滿足!

海南雞專門店(第二分店)
地址: 西灣河筲箕灣道57-87號太安樓地下A32B舖 (顯示地圖)
電話:6124 4718

一盒當兩餐 足料泰式「磚頭飯」

藍田德田商場的泰式餐廳,最近勁出風頭!皆因一盒超級無敵「磚頭飯」打響名當。老闆覺得打工一族返工非常辛苦,所以食飯一定要夠飽!雖然一盒菠蘿海鮮炒飯要$43,不算便宜,但份量足以一餐當兩餐(或者同朋友兩份食),都算是抵食呀!

$43菠蘿海鮮炒飯
菠蘿炒飯多到滿瀉,夠哂足料。

$40 泰式雞扒炒金邊粉
雖然外觀不是很美,但份量及價錢足以彌補。

泰國美食
地址:藍田德田邨德田商場地下4號舖(顯示地圖)
電話:2727 0923

良心燒味 $13燒肉飯送老火湯

新假期有網上群組報料,說油麻地有良心平價燒味飯盒,所以我們都立即幫大家起底!

原來油麻地有間真好味燒味,一直都賣緊燒肉飯,由$9賣到$13,不過由於租金急升,無奈地加價至$13燒肉飯送老火湯!

$13燒肉飯加老火湯
燒肉皮好脆,肉質嫩滑有汁!

$18外賣雙拼燒味飯加老火湯

真好味燒味
地址:油麻地甘肅街104A號地舖(顯示地圖)
供應時間:08:00am-08:00pm

如果仲想知其他特價燒味飯,可以參考網友的抵食推介!
.$18燒味飯店—-慈雲山中心一楼好運街市入口燒臘檔
.$20雙拼燒味飯送罐汽水—-西營盤第一街
.$15燒味飯—-葵芳邨街市
.$18雙拼燒味飯—-將軍澳尚德街市

 

延伸閱讀:

聖誕去邊好?5個露營 + BBQ Party推介!

【抵食餐廳錄】 巨型炸髀飯!尖沙咀9大中西日韓菜(上)

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..