春日夢幻組合！$158海膽茶漬飯+櫻花甜品 |銅鑼灣有咩好食|

今個春天，天氣不似預期，忽冷忽熱嘅天氣搞到香港好多花期都延後，甚至無開花！好似嘉道理農場嘅櫻花同元洲邨簕杜鵑花隧道嘅開花情況都遠較上年失色！好在有唔少餐廳都推出好吸引嘅春日菜式同大家加加油，好似銅鑼灣呢家主打龍蝦嘅人氣Fusion餐廳，最近推出咗非常抵食嘅夢幻組合 – 馬糞海膽茶漬飯配櫻花紅豆餅、京都抹茶，賣$158，絕對係賣大包價錢，馬糞海膽非常大份，啖啖茶漬飯都食海膽真係好滿足，限定3、4月發售，每日限量50份，想食就快手喇！