龍蝦鍋
龍蝦鍋

【旺角食乜好】旺角高質火鍋店 必試龍蝦鍋 大大隻勁生猛!

飲食

廣告

(Present by 真秘鍋)

嚟到中秋,咁難得一大班人放假,當然最啱打邊爐!喺旺角最新開張嘅真秘鍋,唔單止位置方便,地方仲好闊落,啱晒一大班朋友舒舒服服食一餐!

由於老闆娘係龍蝦鍋迷,所以呢度主打嘅「九五之尊」龍蝦鍋,由揀料到做法都好有要求。龍蝦鍋除了用咗即撈新鮮嘅波士頓龍蝦,湯底仲用大量海蝦、蔬菜熬煮三小時,非常入味!另外,仲巧妙咁配上勁吸湯嘅水晶粉一齊食,絕對原汁原味,齋食個鍋都已經好滿足。

而「玫瑰香妃」呢款芝士花膠雞鍋,一上菜就已經聞到好濃郁嘅奶香,令人食指大動!呢款鍋係由呢度嘅總廚獨創,出面絕對食唔到,用上精選芝士,配上足料原隻雞件同補身花膠,鍋面仲放上靚靚嘅玫瑰花瓣,絕對係食香味俱全。

如果鍾意魚湯嘅話,「三味西湖」都一樣出色。奶白清澈嘅魚湯用咗大頭魚、鯽魚同鯪魚,配當歸、胡椒及溫補藥材一同熬製,飲落去甘甜之餘,仲帶少少辛辣,最啱冬天同經常出入冷氣房嘅現代人用嚟驅寒啦!

除咗單鍋,仲有鴛鴦鍋,等你一次試晒兩款唔同嘅湯底!「金口玉言」(右)絕對係養生之選,湯底用咗人參、藥材同黃雞,配上蜂巢豆腐,好有口感。而「山珍百菌」(左)就啱晒素食人士,全部都係用時令菇菌熬製,過程中唔落任何濃縮調味劑,每一啖都相當健康。

想養顏嘅,可以試下「白雪玄鳳」(右),材料有桃膠、雪燕,同烏雞,好啱女士補身之餘,仲充滿啖啖骨膠原,養顏超正!而鍾意食辣嘅朋友,當然唔可以錯過「楚香麻辣」(左)!呢度最值得一讚係加湯嘅時候,唔同嘅鍋都會用返佢自己嘅湯底,魚加魚湯,雞加雞湯,龍蝦加返龍蝦湯𠻹!非常有誠意,絕對唔會愈食愈淡,唔似得出面一味加同一款嘅高湯,令原本嘅湯頭愈食愈無味咁無癮。

除咗湯底好味之外,多款嘅打邊爐配料都一樣令人驚喜!好似出面好少見到嘅「吊龍伴」牛肉部分,呢度竟然都有!牛肉口感鮮甜彈牙,每日限量發售,食肉獸唔好錯過。

而另一款牛肉拼盤「極牛盛宴」,就有齊唔同牛肉嘅部位,好似雪花牛脊粒、牛白肉、日本A5和牛、牛舌、極上牛肩肉同頂級牛小排。

呢個「懸燈結彩」,賣相相當呃like。一片片嘅頂級牛小排,放喺燈籠上面,從肉嘅紋理同色澤都睇到肉質夠晒新鮮,正正展示出餐廳對食料嘅自信。

「玫瑰松板豬」係將頂級豚肉嘅豬頸肉連接下巴嘅部位捲成一朵朵粉色嘅玫瑰形,相當賞心悅目。食落去第一口係爽,之後就會食到綿綿軟嫩嘅肉質。𠵱家只要喺9月份訂位,就可以免費有一客!

打邊爐當然唔少得海鮮!呢款「海鮮拼盤盛」就有齊波士頓龍蝦、大連鮑魚、扇貝、海蝦同桶蠔5款時令海鮮。

而自家製嘅「秘丸拼盤」,唔單止大大粒,仲有多款選擇:手打墨魚丸、手打豬肉丸、手打鮮蝦丸、手打牛肉丸同手打雞肉丸。

仲有「秘餃拼盤」都好有特色,好似其中嘅山藥餃同竹笙餃都係其他地方好少見到。

另外餐廳仲好貼心,設有6間不同類型大小,私隱度又高嘅客房,可以畀你同朋友一邊唱K或者宵夜睇波,一邊打邊爐,又食又玩,絕對係最高嘅享受!

真秘鍋

地址:旺角廣華街3號百利達廣場1樓全層

營業時間:星期日至四12nn-3am;星期五、六及公眾假期前夕12nn-5am

電話訂座:2511 1993

WhatsApp訂座:6767 6816