旺角食乜好香港首間台灣茶飲名牌天然食材＋古法炒茶＋無添加＋與在地農夫合作

Jun 25 2019

( Presented by Furongtea)

號外！台灣茶飲名牌「芙蓉同源」首家香港分店，將會喺6月29號正式登陸旺角！趁住而家進入開業倒數階段，不如一齊睇吓呢個源於高雄市嘅茶飲品牌，有咩特色先，文末有彩蛋！

品牌故事源於祖孫間嘅愛

「芙蓉同源」總店開設喺高雄市鳳山區，當年因創辦人蕭廷芳太掛念孩提時代，每日都食到由爺爺同嫲嫲親手種植，同埋炒製嘅蜜糖炒芋頭做點心，為咗搵返呢種記憶中滿載溫暖關愛嘅家鄉味道，而自行研發出芋香濃郁、鬆軟綿蜜嘅「芋香珍珠奶露」，結果甫推出即大受歡迎而打響名堂！創辦人仲好有孝心咁結合咗祖父母名字「芙蓉同源」變成品牌名稱𠻹。

與農夫合作確保食安品質

由於童年記憶充滿住呢種由土地孕育出最天然無害嘅食材味道，加上自細受到祖輩務實精神嘅薰陶，令創辦人堅持品牌所有原材料都要係天然無添加。為確保茶飲品質同穩定貨源，更分別同南投名間鄉茶農、屏東高樹芋農、梅嶺梅農等在地農夫，以採契形式合作，確保各種原材料喺味道同質感，都係全台灣最好，而且係天然純淨、唔用農藥、無任何添加成份。

嚴選優質初春頭菁茶葉

南投名間鄉係有過百年歷史嘅著名產茶區，呢度生長嘅茶葉有青心烏龍、金萱（台茶12號）、翠玉茶（台茶12號）同四季春。呢四大茶種同屬松柏長青茶（清茶），被譽為茶香馥郁芬芳媲美凍頂茶。而「芙蓉同源」特別採集最矜貴鮮嫩、韻味同香氣最佳嘅頭春茶菁，並且以古法人手炒茶，同時利用恆溫控制煮茶機，炮製出品質穩定、層次韻味最好嘅招牌茶飲。

香港首店提供28款茶飲

今次香港首家分店選址喺人流極量龐大嘅旺角區，到時實會出現大排長龍買茶飲打卡吸Like嘅場面。品牌創辦人蕭廷芳更早喺開業前夕，專程飛到香港打點一切，唔單止落手落腳設置機器、指導店舖風格設計，又親自準備茶葉等食材、培訓員工同監控流程，以確保香港首店（亦係海外首店），隨時都可以調製出同品牌「芙蓉同源」台灣店同樣高水準嘅特色茶飲！新店亦會跟足台灣嘅配方同程序，並提供28款唔同口味，卻有別於其他茶飲同市場嘅獨家風味。而家天氣咁熱，飲返杯清甜提神又飽含營養嘅美顏養生茶就最啱啦！

最後香港首店負責人廖先生，好細心咁提醒大家買咗品牌嘅特色茶飲後，最好喺兩個鐘頭嘗鮮期內飲晒呀！另外，為咗慶祝香港首店開幕，只要喺6月29號至7月1號開業頭3日，選購招牌「芋香珍珠奶露」都會有買一送一優惠，記得唔好錯過呀！