合味道
合味道

開箱!日清 合味道 杯麵煲!露營野餐必備!

飲食

廣告

雖然喺某某國際性嘅杯麵排行榜,日清嘅 合味道 杯麵排名唔算高,不過話佢係港人至愛嘅杯麵就相信無人敢反駁,最近就有多多搞作,早前都同大家介紹咗東京坐杯麵急流環保杯麵杯,今次呢件新產品相信會受到向來造型行先嘅露營發燒友大愛!就係日清合味道 ~杯麵煲!

 

日清 合味道 杯麵煲!露營野餐必備!

筆者早前喺大阪Neo Mart見到(店員仲話我好Lucky淨番最後一個!),立即入手同大家開箱!

呢個Made In Japan嘅杯麵煲,用上鈦金屬製造可以直接用嚟煮食,800ml容量最多可以煮兩個杯麵,蓋頂同手杯套上防熱矽膠方便煮食,同早前嘅耐熱杯一樣,同樣推出真空包裝的便攜湯包,有齊原味、咖喱、海鮮等大熱味道!

包裝雖然簡約,但望落經已肚餓!

開箱!筆者一拎上手嘅感覺係覺得超輕,事關總重量只有 112g!

矽膠手柄手感不錯!

咁正嘅杯麵煲一推出當然大受歡迎,早前Pal Shop 上以每套價格6,000円(約 $435 )極速售罄,第二輪即4月13日同樣極速秒清,大家想買就要搵網上其他途徑喇!

附送網袋方便攜帶!

Pal Shop購買的話,會附送7包真空包裝的便攜湯包同埋日清雞嘅環保袋!

 

 

日清合味道 杯麵鈦金屬煲

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..