雪糕菠蘿包
雪糕菠蘿包

日本 雪糕菠蘿包 殺入港! 雪糕蜜瓜包

飲食

廣告

日本沖繩、東京有厚切牛奶 雪糕菠蘿包 ,睇下杜如風同杜如科喺日本食到津津有味,但係開心背後總有段辛酸故事,原來呢個包要排成粒鐘隊先食到!俾著你,會唔會專誠飛去日本食呢個包丫!不過咁,潮流呢家野,香港一向追得好貼,最近有店舖終於將呢個包引入,變身做港版「 雪糕蜜瓜包 」。依家唔駛飛都得有食,駛乜去日本排隊!

「雪糕蜜瓜包」供自選雪糕味道,包括草莓味、朱古力味、雲呢嗱味,仲要係 MOVEN PICK 出品,每個售 $28,價錢尚算合理,每日限售約 20 個,如果想一日食齊 3 款口味,就要早啲打去分店預留蜜瓜包。店員仲話,每日早上 11 時開始發售,約下午 4 至 5 時售罊,期間限定至 8 月尾,想食就趁依家啦!

小記認為蜜瓜包本身偏甜,不過配上帶酸味的草莓雪糕,剛好中和蜜瓜包的甜味;朱古力雪糕味道濃郁,吃上去不會太膩,適合雙重朱古力控。蜜瓜包口感鬆軟,若平日吃得太多雪糕窩夫,可一嚐「雪糕蜜瓜包」,別有一番風味及新鮮感。其實吃一個已經好飽,事關雪糕球 size 並不小,加埋個蜜瓜包,簡直可以當作女生們的午餐。另外,小記並不建議食客徒手拎起雪糕蜜瓜包,否則融掉的雪糕會令你冇心情吃下去。或者大家都係斯文啲,用刀叉切開品嚐吧。

雖然 Cafe 每間分店都發售「雪糕蜜瓜包」,但留意圓方店只提供雲呢嗱味,其他分店則正常供應 3 款味道,而且只有金鐘店發售以鐵板托底的雪糕。建議大家食前先打去各分店預留蜜瓜包,免得撲個空。

「Fall in Love with Melon Bread x Movenpick」售價: 中環、銅鑼灣堂食$48(連飲品,設加一) ; 朗豪坊、圓方、金鐘外賣$28

店舖地址如下:

  1. 81 BAN 朗豪坊分店

旺角亞皆老街8號朗豪坊4樓12號鋪

電話:3417-6034

  1. 博洛尼亞 圓方分店

九龍柯士甸道西1號圓方1樓水區1027號店

電話:2613-2525

 

香港:

  1. 博洛尼亞 中環店

中環結志街52號地鋪

電話:2950-0600

  1. 博洛尼亞 銅鑼灣店

銅鑼灣軒尼詩道500號希慎廣場13樓1303號店

電話:2910-1722

  1. 81 BAN 金鐘店

金鐘遠東金融中心高層地下D2 & D3鋪
電話:2751-1022

延伸閱讀:杜如風 vs 杜如科雪糕菠蘿包

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..