日本米
日本米

壽司/丼飯的美味秘密!12大特色餐廳 體驗日本米香甜 x 軟糯 x 嚼勁魅力 (內附2款日本米烹調基本要訣)

飲食
仲未有時間「返鄉下」嘅你,係咪好懷念日本嘅壽司同丼飯呢?想食到家鄉味道,原來最最最精粹嘅唔係刺身、和牛,而係不起眼,又不可或缺嘅日本米飯!日本米用法多樣,而且可塑性高,只要稍微花啲工夫,運用不同烹調方式同食材,就可以完美融入日本菜,中菜或是西餐、Fusion菜等等菜式,都能同時帶出不同食材嘅美味。今個初春,JFOODO 連同 40多間餐廳將香甜、軟糯、有嚼勁嘅日本米帶畀大家,一齊睇睇點食日本米最 yummy 啦!

日本米香甜 x 軟糯 x 嚼勁的秘密

米飯係最常見食材之一,一日三餐老是常出現。無論你係唔係「飯桶」,都會比日本米嘅口感同味道吸引,一食就知道分別!明明好多地方都有生產白米,點解日本米會特別讓人著迷呢?主要係因為日本米品質管理嚴謹,只有水分含量符合一定基準,而且外觀、斷裂米粒比例、異種穀粒混入比例等合格嘅米粒,才稱得上叫「日本米」。

日本嘅緯度較東南亞高,因此日夜溫差非常大,令種出來嘅米澱粉質密度較高,黏性亦更高,更有嚼勁,更清甜。而且日本米本身較清淡又帶有淡淡甜味,可以配合多種食材烹煮。米飯可以吸收肉類及魚類中嘅多餘脂肪同鐵質,將食材天然鮮味大大提升,食用時米飯同食材可以在口中融合,稱為 「口中調味」。

多樣嘅 campaign menu 體驗日本米神秘魅力

日本米可塑性咁高,要點煮先可以令美味更美味呢?今次 JFOODO 聯同 40多間餐廳,為大家呈獻用日本米入饌嘅高質菜式。菜式靈感來自核心食譜,由 Leader Chef 富谷優為首嘅 5位香港主廚集思廣益而成,務求煮出搭配到菜式所需口感嘅美味米飯,發掘日本米更多嘅可能性!

以下將介紹參與活動嘅重點餐廳,佢哋運用核心食譜開發咗menu,仲喺自家店鋪提供相關菜式,大家要密切留意啦!

精選餐廳


1) Tommy’s Kitchen 日式料理外燴

今次核心食譜嘅靈魂人物係 Tommy’s Kitchen 嘅主廚富谷優(Yu Tomiya),餐廳雖然無實體店,但會提供外燴服務,更會為客人喺住家或私人廚房準備日式餐點,務求令香港人、海外人士喺屋企都可以輕鬆食到正宗日本料理。主廚富谷優於大阪調理製菓專門學校學習烹調蔬菜,並取得料理河豚資格證,仲係多間日式高級餐廳嘅餐飲顧問,開發同提供多樣食譜。

要一嚐佢嘅手藝可謂「一飯難求」,好彩今次活動畀我哋品嚐到佢開發嘅和牛蘑菇黑松露雜錦飯。主廚將和牛、季節蘑菇同松露以昆布鰹魚湯汁烹煮,再用烤和牛、茗荷、洋蔥和鮭魚子作為配料,最後加上特製醬油和味醂,創意料理就大功告成,惹味大足,絕對值得一試!

Tommy’s Kitchen
地址:無實體店鋪
IG: https://www.instagram.com/tommys_kitchen_hk/
回到目錄


2) Grandmama Café 港式 × 日式料理

近期嘅人氣網紅店 – 婆婆珈琲屋亦有參加今次活動。當中有名嘅菜式藍色富士山飯糰同富士山布丁,相信大家未食過都應該喺 IG 見過。

主廚 Angus Law 喺日本學習料理,具有烹調法國鄉村料理、甜點、日本居酒屋料理、豬排料理、傳統日本酒料理、京都風和菓子等 20年以上料理經驗,擅長為客人帶來視覺同味道嘅驚喜。餐廳今次開發咗唔同嘅拌飯選項,配合夕食定食料理。無論是酸甜開胃嘅梅子飯、鹹香微辣嘅明太子茸飯、甘香嫩滑嘅小切鰻魚飯、香濃鮮甜嘅蟹肉味噌飯定係酥脆嘅蜜汁櫻花蝦飯都非常有特色,可以多去幾次,嘗嘗不同配搭。

Grandmama Café
地址:尖沙咀彌敦道 176 號 The Nate 1 樓
回到目錄


3) Amis 法式 × 日式 Fusion 料理

日本米唔一定配日本菜,Fine Dining 餐廳 Amis 就係法日 Fusion 菜嘅表表者。餐廳嘅設計富現代感,氣氛優雅又浪漫,吸引唔少情侶嚟拍拖。餐廳菜式用料新鮮,海鮮每日由日本新鮮空運到港,更有法國時令食材如白露荀同乳鴿等等,配合精緻擺盤,相當驚豔。

主廚 Man Pang 擁有18年以上烹調經驗,曾經喺 Daisuke Mori 同 Bo Innovation 等香港米芝蓮餐廳累積經驗,功底深厚。今次佢創作嘅干邑龍蝦湯泡飯,將日本米以義大利燉飯方式烹調,加上最高級嘅干邑龍蝦,再搭配用大量海鮮熬煮 3小時而成嘅高湯,絕對係用心之作。

Amis
地址:香港銅鑼灣告士打道 229-230 號
回到目錄


4) Amusement Eatery 南美 × 歐洲 Fusion 料理

除咗法式煮法,日本米仲可以配合美洲獨特香料製成特色甜品等菜式。Amusement Eatery 就係一間利用美洲獨特香料同特色食材,為大家呈獻多國菜體驗嘅南美 × 歐洲 Fusion 料理餐廳。

主廚 Alex Cheng 6歳移居委內瑞拉,30歲開辦第一間中菜餐廳,經驗十足。今次嘅日本米布丁拉丁美洲米粽更加係得意之作,米布丁可以帶出日本米嘅軟糯口感,而拉丁美洲米粽用日本米代替糯米,再以香蕉葉包裹蒸製,最後加入提子乾,令整道菜充滿拉丁風味。

Amusement Eatery
地址:長沙灣福榮街 538 號喜遇地下 2 號舖
回到目錄


5) UK’s Kitchen 日式料理

UK’s Kitchen 同 Tommy’s Kitchen 一樣無實體店鋪,以提供便當同配菜嘅外燴服務為主。餐廳亦會同高級 OMAKASE 餐廳、B級美食居酒屋、拉麵店、蛋糕店等合作,提供菜單提案同廚房諮詢服務。

主廚西村祐弘(Yukou NISHIMURA) 嘅父親係香港著名餐廳「西村日本料理」嘅 Owner Chef。西村先生繼承父業之後,亦喺餐飲業界甚具影響力。今次嘅肉卷飯團食譜,起源自宮崎嘅員工餐食料理「肉卷飯團」。 廚師運用巧思,將肉嘅鮮味同鹹甜醬汁滲入白飯,再將飯團表面煎至香酥,相當美味。

UK’s Kitchen
地址:無實體店鋪
IG:https://www.instagram.com/uks_kitchen86/
回到目錄

除咗以上 5間重點餐廳之外,大家仲可以喺其他參加今次活動嘅店鋪品嚐日本米創意料理,包括以下呢啲:


6) Glassbelly Tea Lab Fusion 精緻料理

「米」表面很簡單,其實係一種複雜嘅食材。Glassbelly Tea Lab 主打中式 fusion 精緻高級餐飲料理,今次餐單特別選用「一見鍾情」米,將一口嘅份量轉化成漬飯、鍋巴、脆米、炸飯團等方式呈現,再配搭caviar、海膽、紅蝦到和牛等高級食材,製作出一場味道同口感都好豐富嘅盛宴。餐廳侍茶師仲會因應唔同美食奉上唔同風格嘅靚茶,唔只有效降低血糖,仲係一場最高級別嘅 tea pairing 享受。

Glassbelly Tea Lab
地址:銅鑼灣恩平道 42 號亨利中心 20 樓
回到目錄


7) SP Senses 和洋風茶室

SP Senses 同 Glassbelly Tea Lab 同樣主打「茶食配」,不過 SP Senses喺和風定食之中加上洋食風味,SP 經典花藝蛋糕同即點即製和洋風甜品更加係餐廳嘅招牌。而今次嘅特色食譜係西班牙橡果豚肉蓮藕昆布菇菌 栗子煎茶泡飯,配以帶甘栗香氣嘅煎茶。茶泡飯將日本米飯融和冬季節氣宜食嘅蓮藕、昆布、菇菌,締結多重享受,再吃一口西班牙橡果豚肉,充滿幸福感。

日本米

SP Senses
地址:尖沙咀麼地道 66 號尖沙咀中心地下 G64-66 號舖
回到目錄


8) 祝ご(IWaiGo) 日式居酒屋

米飯除咗可以配茶之外,配酒類及串燒炸物亦是一絕!以「喜悦分享的聚腳點」為主題嘅日式居酒屋祝ご(IWaiGo) 今次創造出鮪魚米子菜式,將秋田小町米打造成手工米通,配合新鮮肥美嘅吞拿魚魚蓉同埋魚子。鬆脆嘅底層,加上軟綿綿嘅主配料及爽彈嘅魚子作點綴,使口感更富層次,係一流嘅送酒小食!

日本米

祝ご(IWaiGo)
地址:旺角彌敦道 575 號 Ladder Dundas5 樓
回到目錄


9) 佐楽(SARA) 深夜食堂

佐楽主打特色日式料理。今次餐廳嘅免治三瀬鷄肉飯用佐賀縣產嘅三瀨雞肉製成免治肉臊,將雞肉嘅鮮嫩帶到另一層次,加上日本蛋及日本米飯,更加香甜可口。

日本米

佐楽(SARA)
地址:銅鑼灣霎東街 15-21 號 12 樓
回到目錄


10) 精選連鎖店(炙・宴/たまご園/sensory ZERO)

除咗多間獨色餐廳外,幾間連鎖店亦有加入活動。炙・宴嘅ABURI-EN豚肉丼將北海道十勝地區嘅豚肉丼加以改良,豚肉肉質柔軟、油份恰當,米飯配以秘傳醬汁,微甜不膩。たまご園嘅沖繩琉香豚肉飯(配慢煮蛋) 選用沖繩名產「琉香豚」,經秘製醬汁調味及慢烤,香嫩誘人,鮮甜美味。而 sensory ZERO 嘅蒲燒三層鰻魚滑蛋飯選用日本岩手縣優質嘅「一見鍾情」米,配上嫩滑日本炒蛋同惹味嘅三層厚切鰻魚,甘香肥美,非常滿足!米飯可以吸走肉類多餘油份,又可以提升食材鮮味,丼飯配燒肉,幾時都係最佳配搭!

炙・宴(新城市廣場)
地址:沙田沙田正街 18 號新城市廣場第三期 2 樓 A215 號舖
各大分店地址請查詢以下活動網頁

たまご園(朗豪坊)
地址:旺角亞皆老街 8 號朗豪坊 4 樓 8 號舖
各大分店地址請查詢以下活動網頁

sensory ZERO(海港城)
地址:尖沙咀廣東道 3 號海港城馬哥孛羅香港酒店 G 樓連卡佛
各大分店地址請查詢以下活動網頁

大家記得隨時留意官方網站,睇實仲有咩店舖參加:

活動詳情
日期: 2023年2月起 (部分餐廳會提前開始或延長供應有關菜式)
網頁: https://rice-jfoodo.jetro.go.jp/hk/zh-hant/con/index.html

回到目錄

日本米烹調要訣!在家輕鬆煮出美味米飯

唔想出街食,其實喺屋企都可以用核心食譜概念,煮出美味嘅日本米。只需掌握 4個基本烹調要訣,包括:1.洗米次數、2.浸米時間、3. 水米比例、4. 煲飯工具,再按需要靈活調整,就可以令美味變得更美味!

雜炊飯米飯相對較柔軟,先輕輕洗米 3次,再浸米 45分鐘,然後加入等量嘅煲飯湯汁,放到電飯煲中煮製,就可以享用軟糯的日本米。

日本米

栗子舞茸雜錦飯係雜炊飯嘅菜式例子:

烤飯糰要用較硬嘅米飯煮,先會容易啲成形。同樣輕輕洗米3次,再浸米45分鐘,今次以浸過水嘅米:水 1:0.85 嘅比例煲飯,令米飯更加有咬口。如果想食落更加酥脆,可以用平底鍋煎製飯糰。

日本米

星鰻烤飯糰係烤飯糰嘅菜式例子:

想進一步了解詳情,可以下載埋食譜手冊:https://rice-jfoodo.jetro.go.jp/hk/pdf/RecipeBook_zh-hant.pdf

(Presented by JFOODO)

圖片來源:JFOODO