日和號 宵夜半價壽司！$7食到6吋三文魚壽司 |九龍灣有咩好食
廣告
遲收工的朋友有福了！記者最近發現，日本餐廳 日和號 推出壽司半價優惠，6吋三文魚壽司都係$7，仲有$1鵝肝手卷添！希望可以分散人流，以後唔駛等咁耐位啦！
日和號 半價有咩抵食
位於MegaBox嘅日本餐廳日和號推出半價壽司，由23/5 至30/6 期間，星期一至四夜晚9點後、星期五至日夜晚9點半後開始，壽司半價，超抵食！用爭鮮嘅價錢食好DD嘅日本料理。成百款壽司都半價，有咩係最抵食呢？一齊睇睇啦！
6吋三文魚 $14/2件
半價之後$14/2件，$7一件咁大件，蛤蟆價天鵝肉喎！仲有另一款普通嘅三文魚都只係$7/2件，一樣咁抵！
原條鰻魚壽司 $17.5/1件
原條鰻魚壽司，平時真係未必捨得食。襯半價食多件，大滿足！
胡麻醬火灸帆立貝 $19/2件
另一超抵食之選，火炙燒到帆立貝外面少少焦香，加埋胡麻醬，夠惹味！
海膽軍艦 $22.5/2件
鍾意食海膽嘅你唔好錯過呀，平時呢個價錢食唔到㗎！
七味火灸鱈場蟹壽司 $12.5/2
記者嘅私心推介！火炙蟹棒配沙律醬真係好夾，試過你就知抵食！
吞拿魚厚燒玉子 $14/2件
食咁多壽司，食返件玉子中和一下，配上蟹籽，幾清新。
親子花之戀 $11/1件
壽司必食花之戀，嘩仲要咁抵，唔係唔食呀嘛！
$1鵝肝手卷
每位只限一客（限量供應，售完即止）
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
