大埔大尾篤日出海灣餐廳 新推海鮮放題任食！最平$279食齊龍蝦＋大頭蝦＋蟹 最強海鮮山配日落海景露天位｜自助餐我要

撰文：艾菲｜圖片來源：日出海灣餐廳、IG@_bear.daily

日出海灣餐廳 大尾篤新開任食海鮮餐廳

想任食海鮮不一定去酒店！位於大尾篤新開的一間日出海灣餐廳，以村屋地舖開業，地方空曠開揚，重點是餐廳面向180度無敵大海景，白天可以歎盡自然海風，黃昏可以望著鹹蛋黃慢慢升降，夜晚仲有種晚間開Party氣氛！不過餐廳最為吸引的是推出海鮮任食套餐，原價$398的套餐，現時新開業期間，平日只需$279加一便可任食海鮮、配料等，而星期五至日及公眾假期則需要$318加一就食到，相宜的任食價錢加上最強日落海景，引起一眾海鮮掃食王注意！

海鮮Combo任食2小時：6款海鮮＋配料

餐廳的海鮮任食套餐可任食6款海鮮，其海鮮是每日從香港仔漁市場、本地養殖場及流浮山取貨，雖然貨源有時不穩定，不過老闆說保證選取最新鮮及當造食材！海鮮Combo會以大盤盛裝，每晚都需要2位職員才拿得起，證明海鮮份量足夠，款款都肥美。職員會先讓各位食客與巨大的海鮮Combo打卡合照，然後才會讓職員分派食物。

其海鮮包括限量的波士頓龍蝦及蟹，以及任食鮑魚、青口、貴妃蚌、帶子。海鮮Combo旁邊堆上車打芝士大肉腸、甜薯仔、粟米、菠蘿等配料，再沾上秘製辣汁食，香辣惹味！2小時任食期間，職員會不斷Refill各款食材，包保食到飽肚離場。

此外套餐還包括奉送沙律、餐湯及餐飲一杯，這樣的價錢食到至少4道菜，抵過食酒店、西餐，老闆直言，Booking Full到下年，想食的你要早Book位啦！

日出海灣餐廳除了任食海鮮Combo外，還有單點食物，例如龍蝦意大利燉飯、漢堡包、豬助骨等，不嗜海鮮的你，可以一試！

• 餐廳：日出海灣餐廳
• 地址：大埔汀角路蘆慈田村61A/61B地下（顯示地圖）
• 營業時間：星期一至日10am-9pm
• 電話：3497 3972
• Facebook專頁：日出海灣餐廳 Sunshine Bay Restaurant & Cafe