新手都煮到氣炸鍋流心芝士豬扒！淘大醃肉醬汁，一醬多用，提鮮去雪味一流！｜懶人廚房

各位芝士控留意喇，今次推介呢款流心芝士豬扒，係用咗淘大嘅醃肉醬汁來醃製。簡單醃一醃之後，將豬扒蘸上麵粉、蛋漿、麵包糠等，放入氣炸鍋20分鐘就炮製出香噴噴流心芝士豬扒，用嚟伴飯一流！

一醬多用夠方便　輕鬆煮出流心芝士效果

流心芝士豬扒嘅首要重點，當然係處理豬扒啦！去除雪味往往係處理急凍肉類嘅一大難題，今次用咗淘大呢枝醃肉醬汁醃豬扒，醬汁出奇地濃郁足料！原來佢係由頭遍豉油、洋蔥、蒜同米酒等調配而成，每一湯匙都睇得見滿滿嘅配料；醬汁蘊含菠蘿及米醋，唔單止辟除到急凍肉嘅雪味，而且令肉質更鬆軟鮮嫩！一枝醬汁就搞掂哂，毋需加入其他調味已經夠哂入味，真係超方便！身為入廚新手，或者係忙碌嘅上班一族，用佢黎煮入流心芝士豬扒真係輕鬆好多㗎！

材料：

梅頭豬扒 ………………………….. 2塊

車打芝士 ………………………….. 2片

雞蛋 ………………………….. 2隻

麵粉 ………………………….. 3-4湯匙

麵包糠 ………………………….. 4-5湯匙

淘大醃肉醬汁 ………………………….. 2湯匙

做法：

1. 將豬扒解凍，以廚房紙印乾水份。

2. 先用2湯匙嘅淘大醃肉醬汁均勻地塗上豬扒兩面，醃30分鐘。

3.在兩塊豬扒中間放入芝士。

4.豬扒四邊塗上蛋漿，用刀背在邊位揼實，令豬扒不易鬆開。

5.將豬扒蘸上麵粉、蛋漿、麵包糠。

6.然後兩面掃油。

7.放入氣炸鍋以180度炸10分鐘；翻轉再炸10分鐘即成。

（presented by Amoy）