芋圓
芋圓

新台場開外賣店!掃街食$28有餡 芋圓 +鹽水雞+胡椒餅|旺角食乜好|

飲食

廣告

向來賣開台灣食品的新台場,最近在旺角開設台式小食外賣店,主打 芋圓 、鹽水雞和胡椒餅等多款當地夜市的人氣美食。當中綜合 芋圓 非常足料,唔止有番薯、芋頭、紫薯三色有餡 芋圓 ,更可選仙草凍或剉冰,還有抹茶果凍、芋頭粒等配料,很抵食。掃街迷又多個checkpoint了!

撰文:ning 攝影:Janelle

必食!$28綜合三色有餡 芋圓

店子的台式小食貼近港人口味,當中綜合 芋圓 人氣最高。所用的食材大多由台灣直送到港,再於店內加工製作。綜合 芋圓 可選仙草或剉冰作基底,面層更放有三色 芋圓 、芋頭粒、抹茶果凍、紅豆蓉、沖繩黑糖糖漿等配料。

芋圓 是包心餡,口感富層次,外皮煙韌,餡料軟滑,有淡淡芋香和番薯香。紫色和橙色的是紫薯、地瓜外皮配芋蓉餡。

淡紫色的則是芋頭外皮配地瓜蓉餡。

仙草和抹茶果凍水漾嫩滑,黑糖漿甜度恰到好處。

每日鮮製麻辣鹽水雞

除了 芋圓 ,店子也有麻辣鹽水雞,每日於店內鮮製,雞肉起骨撕成細件,連同粟米、蓮藕、紅蘿蔔、青瓜條等配菜,以秘製麻辣汁拌勻,雞肉分量頗多,雞皮夠爽口,肉質帶嚼勁,蔬菜食得出爽脆新鮮;醬汁香辣帶麻,很醒胃。

 

未完!仲有胡椒餅、大腸包小腸、仙草奶

同場更有即場烘焗的胡椒餅、芋頭酥、大腸包小腸、奶茶雪糕等小食,部分更可以轉套餐配黑糖仙草奶。胡椒餅拿上手依然微暖,外皮脆身,味道香甜,內裏豬肉香蔥餡料偏向乾身,有濃郁胡椒香。

大腸包小腸的酸菜、青瓜配料落得足,糯米腸口感軟糯,夾着彈牙、帶魚香的黑輪同食,口感豐富。惟略嫌大腸包小腸以黑輪魚蛋代替香腸,有點未夠正宗。

 

新台場台灣小食
地址:旺角廣華街1號仁安大廈地下24A舖(顯示地圖
電話:2885 3080
營業時間:星期一至四 11:30am-10:00pm、星期五至日、公眾假期 11:00am-10:30pm

延伸閱讀:


最新吃喝玩樂資訊