抹茶甜品
抹茶甜品

抹茶甜品 控出動! 京都名店登陸 煙韌動L 抹茶蕨餅+卷蛋+大福!|沙田食乜好|

飲食

廣告

日本 抹茶甜品 陸續過江!繼中村藤吉和京林屋,今年盛傳頭號名店辻利茶舖年底登陸。不過龍頭大佬未到,另一家在京都有70年歷史的茶匠 · 清水一芳園最近就低調落戶,主打各款抹茶甜品,包括蕨餅、卷蛋和和菓子, 抹茶控又要尖叫喇!

撰文:ning | 圖片:Chi

京都直送 煙韌冰涼 抹茶蕨餅

全靠香港店的日藉老闆和京都本店的社長夠老友,才說服到當地只此一家的茶匠 · 清水一芳園,以特許經營形式來到沙田。雖是外賣店,不像本店茶室般有雪糕、刨冰堂食,但一眾 抹茶甜品 絕不輸洩。

最搶手的抹茶蕨餅由京都直送,在店內人手切粒,再拌上本店招牌抹茶粉。

切得大粒,比中村藤吉等名店的片狀更富口感,而且煙韌彈牙,咬落還有涼浸浸的感覺,很驚喜!味道帶黃豆粉的烘焙香,也有抹茶的甘甜,吃到停不到口。

同樣人氣 本店名物大福、和菓子

除了抹茶蕨餅,店內亦有數款大福及和菓子,也是本店名物,大部分以糯米皮配紅豆蓉造成,最特別是小豆餅,以紅豆蓉外層包著糯米,紅豆蓉質感柔軟起沙,內裡的糯米黏稠有韌性,甜度平衡得剛好。

若然你真是愛 抹茶甜品 愛到入骨,就要試抹茶大福,除了抹茶外皮,連餡料都是抹茶醬和忌廉,一啖到底都是抹茶,茶味濃郁,陣陣回甘縈於口腔,少量忌廉軟心令整體不苦澀。

 

還有一芳園大福,質感像草餅,以抹茶外皮包著京都紅豆蓉,軟綿綿又香甜。

 

另外還有兩款用糯米做的丸子,圓碌碌的賣相很可愛,望到都覺得治癒。醬油丸子淋上特製醬油汁,味道鹹中帶甜,頗惹味。三色丸子就有原味、櫻花和 抹茶 味。

 

招牌抹茶粉炮製! 自家卷蛋、芝士蛋糕

老闆更知道港人講求新意,專誠再請日本師傅在香港工場,用清水一芳園抹茶粉研製 抹茶甜品 ,如卷蛋和芝士蛋糕。

抹茶卷蛋的蛋糕很鬆軟,濕潤度剛好;中間的抹茶忌廉夠輕夠滑,抹茶味亦甘而不苦,再加紅豆蓉,齒頰留香。

抹茶芝士蛋糕Size的骰上層是忌廉芝士,下層則是抹茶芝士蛋糕,口感幼滑,充滿芝士奶香。焗抹茶芝士蛋糕焗至鬆軟Creamy的半熟口感,食落唔覺膩滯,茶味甘醇清新。

價錢親民,大福與和菓子不過$25,蕨餅只是$50,比名店平一截!難怪未正式開業已經群情洶湧,缺貨再缺貨!老闆預告月底會再度齊貨, 抹茶甜品 控記得早點去排隊。

 

茶匠 · 清水一芳園

地址:沙田沙田車站圍1號連城廣場 R樓K1號舖(顯示地圖

電話:從缺

營業時間:12nn – 9pm

備註:只收現金

 

延伸閱讀:
【掃街王】$12 竹炭青蘋果雪糕 + $20 叉燒豬仔包!! 黃大仙 鳳凰新村 5大街坊食店

最新吃喝玩樂資訊