深水埗
深水埗

|抵食餐廳錄|$35鐵板燒便當!深水埗7間平民美食店

飲食

廣告

大家都說,香港的物價愈來愈高,出街食餐飯,動輒二、三百元,有時遇到沒良心、沒質素的劣食,吃到成枱一肚氣!抵食的餐廳已經沒有了嗎?當然不是。今期我們搜羅了深水埗7間性價比高的中菜餐廳及地道小店,價錢絕不是最平,但就是物有(超)所值,也是我們的拍心口推介!版面有限,當中肯定有不少漏網之魚,如你也有心水選發現,可上「新假期飲食邪惡情報」fb 專頁分享下嗎?

$35起鐵板燒便當!即叫即炒好抵食!★板上

一般食鐵板燒動輒數百元,但兩位深水埗的80後街坊便誓要將其街坊價卻吃到令人垂涎的即炒味道,上年尾便開立這鐵板燒小食店,午市最平可以做到$35起的鐵板燒便當,即叫即炒,小店卻請來某知名和食店的前行政總廚主理,新推出的雪花一口牛便當,選用加拿大牛柳粒,師傳手法純熟有功架,牛柳粒八分熟,肉味濃郁滿口油香。除了幾款鐵板便當,店家還有大阪燒、黑豚漢堡等小食,值得一試!

地址:深水埗桂林街36B號地舖(顯示地圖
電話:2386 2300
營業時間:11AM – 9:30PM
平均消費:$60

雞煲刺身任食★西川風味餐廳

任食雞煲放題愈開愈多,但邊間質素最好,真的要試過先知。這間先後於長沙灣、慈雲山開店的雞煲店,近日再於深水埗插旗,任食雞煲最平時段每位只需$128,另加$38可食埋刺身放題,多達10款的刺身任叫任食,最重要是質素也不賴。而火鍋配料款式頗多,連平日放題少見的牛骨髓和羊肉片都有,汽水啤酒任飲,埋單每人不用$200,抵食!

地址:深水埗青山道162號地下(顯示地圖
電話:2361 9882
營業時間:5pm-2am
平均消費:$200
備註: 長沙灣、慈雲山另設分店;7:30前離座/9:30後入座成人每位$128,小童
$88;9:30前入座成人每位$148,小童$88,限時120分鐘。設加一,收信用卡

地痞鑊氣王★愛文生

食小炒最緊要鑊氣,位於深水埗的愛文生絕對做足一百分,所有小炒均出自店中兩個巨型火水爐,食物經過超過200℃高溫,師傅三、兩下手勢,小菜於3分鐘內上菜,食得!去得大牌檔,豉油王炒麵實為必食之一,愛文生炒得較乾爽,加上芝麻、芽菜好有口感,必點!另外推介豉椒炒蟶子,蟶子夠大隻,加上豆豉鹹香,非常惹味!

地址:深水埗荔枝角道215號(顯示地圖
電話:2393 9315
營業時間:6pm-1am
平均消費:$120
備註:免加一,只收現金

踏實平價小食店★春潤堂

魚肉翅、油渣麵、車仔麵、韭菜、豬腸、豬紅等街頭小吃, 全都是香港人的集體回憶,在此店統統齊集,讓你尋回小店的人情味和滋味!當車仔麵, 外面收八、九蚊一個餸,這裡只賣五蚊,已經有7粒魚蛋,激抵!魚肉碗仔翅超足料只賣$15!區內街坊大讚出品味道踏實、大大碗、價錢抵,油渣麵要食瘦渣或肥渣都可以講明,外面邊有咁好服務。

地址:深水埗大埔道14-16號華都大廈2號舖(顯示地圖
電話:2788 2383
營業時間:星期一至星期六9:30am-10pm、星期日10:30am-8pm
平均消費:$25
備註:不設加一,只收現金

香滑豬油腸粉★合益泰

好食的手拉腸粉買少見少,深水埗的合益泰絕對能稱為the kind of腸粉之一!每條滑嘟嘟的腸粉除了會加入麻醬外,更會淋上豬油,令腸粉更香口,陣陣童年回憶湧起,而且賣$10/9條,連價錢都很「童年」!難怪每日都大排長龍。另外有盛惠$12的足料艇仔粥,$6/5粒的咖喱魚蛋,大件夾抵食。

地址:深水埗桂林街121號地下(顯示地圖
電話:2720 0239
營業時間:6:30am-8:30pm
平均消費 $25
備註:不設加一,只收現金

惹味辣油車仔麵★文記車仔麵

這間長時間大排長龍的車仔麵店,湯底用腩汁加瑞士汁,比一般的惹味。推介瑞士雞翼, 燜得夠入味, 雞肉一咬就骨肉分離,無牙都食到。另外必配自家辣油,帶有一點麻香,香氣於口中久久不散,辣到適中, 食埋少見的上湯柚皮,一絕!

地址:深水埗福榮街121號地下(顯示地圖
營業時間:11am-1am
平均消費:$40
備註:不設加一,只收現金

薑葱雞髀★雄輝餅店

嫌車仔麵未夠喉,4:30pm 後可行兩步到隔籬街的雄輝餅店,不是買麵包,而是歎其名物薑葱雞髀。雞髀不算大隻,但勝在焗得入味,一打開包裝的錫紙,香濃薑葱味立即湧出,咬一啖,雞肉鮮嫩,雞汁多到瀉,$16蚊一隻絕對抵食!另有椒鹽雞腎出售。

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..