將軍澳「戀上台式料理」推1人鍋 3款口味任選：1人羊腩煲／豬手煲／雞煲！$118套餐可追加台灣黑毛豬／和牛 套餐加大送芋圓！｜區區搵食
撰文：J.Li｜圖片來源：新假期編輯部、戀上台式料理
將軍澳戀上台式料理 推期間限定1人羊腩煲 對海Chill住食
將軍澳海旁的台灣菜戀上台式料理推出期間限定「一人羊腩煲」！戀上台式料理座位半開放式，冬天一邊吹著涼風，一邊吃暖笠笠的羊腩煲，夠晒寫意。餐廳平日主打台式定食和爐端燒，但適逢冬天期間，加入羊腩煲、南乳豬手煲和雞煲，有一人份，也有適合朋友分享的大煲。餐廳也是寵物友善的，大家可以帶住毛孩來邊歎海景，邊Chill住食！
一人羊腩煲$118 3吋長腐竹索晒湯汁
一人羊腩煲套餐售$118，包白飯和生菜，可升級至魯肉飯，另可追加不同火鍋配料！羊腩佈滿全鍋，有7至8塊，全部都是肉！餐廳採用英國威爾斯及紐西蘭草飼羊腩兩溝，使整個羊腩煲沒有平常的羶味！配料也十分出色，3吋長腐竹索晒湯汁！沾羊腩也有3款台灣腐乳選擇，有原味、帶甜味的梅子味，和帶酒香的紅麴味。
記者今次試食，一人份量對女士來說剛剛好，而男士可以考慮追加火鍋配料，配料逐款計，$68便吃到台灣黑毛豬！記者特別推介冰巢豆腐和美國牛小排。豆腐吸收羊腩煲的湯汁後，入口爆汁！而美國牛小排雪花花紋漂亮，加進用羊腩湯中，既有牛味又有羊味，是另一番滋味！
南乳豬手/麻辣雞煲同價 加大送台飲芋圓
餐廳也有南乳豬手煲和麻辣雞煲。豬手皮肉均勻比例，膠質充足！麻辣雞煲採用新鮮三黃雞，加上秘製麻辣醬料、洋葱、指天椒，讓你食到㷫烚烚！
豬手皮肉均勻比例，膠質充足！（圖片來源：新假期編輯部）
除了一人煲外，每款鍋也有大煲選擇。客人也可選擇三合一綜合鍋，一次過與朋友試勻3種口味！加大套餐適合兩至三人分享，會送健康系列飲品和芋圓甜品。一個人來食又得，一班人又得，得咗！
抵食午餐$68起 爐端燒有和牛黑毛豬虎蝦
1人火鍋全日供應，如果不想打邊爐，餐廳還有過百款菜式讓客人選擇，餐牌厚到揭不完。抵食Lunch Set $68起，爐端燒選擇包括和牛、黑毛豬、虎蝦等！當然也有幾十款台式飲品。吃完羊腩煲，也可以試試其他食物！
- 餐廳：戀上台式料理
- 地址：將軍澳唐俊街21號翩匯坊地下G26號舖（顯示地圖）
- 電話：2219 0191
- 營業時間：星期一至五 11:30am–11pm、星期六日及公眾假期 11am-11pm
- Facebook專頁：taiwanfirstlove
- 備註：星期一至五日間免加一
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
