懷舊小食展 捐$20食齊龍鬚糖 雞蛋仔 糯米糍 |銅鑼灣好去處|

懷舊小食 重現車仔檔

舊時的香港，街邊車仔檔開到成行成市，但近年卻買少見少，今次商場就將車仔檔放大，作為展覽場地，展出60至80年代香港飲食文化的收藏品，讓大家懷勉一下舊日的美好時光。不過記者略嫌地方淺窄，人多的話比較難參觀。

今次的展品由香港收藏家協會副主席張順光先生借出，包括：昔日餐廳的火柴盒、月餅傳單、月餅會封套、茶樓菜單、照片等。

除了展出珍藏品，「車仔」內亦有不同的懷舊小食檔輪流出現，包括龍鬚糖、麥芽糖餅、砵仔糕、白糖糕等，一共11款。只需要即場捐出$20予護苗基金，便可品嚐3款懷舊小食，又可以做善事，又抵食，何樂而不為。記者率先試食了4款懷舊小食，味道都唔錯㗎。

1. 雞蛋仔

雖然雞蛋仔同街都有，但今次師傅採用的是秘製配方，食落口感比較特別，比較像蛋糕的質感。

2. 糯米糍

師傅話糯米糍最重要的是花生及糖的質素及比例，花生是她親自磨成粉，而且配方沿用了幾十年，一家幾口都是製作糯米糍的高手。

3. 龍鬚糖

現時已經好難遇到即叫即製的龍鬚糖，因此機會難得。龍鬚糖是記者兒時最愛的街頭小食，看似鬆散的龍鬚糖，入口後卻又會變得十分「黐口」。

4. 麥芽糖餅

麥芽糖餅就不用多說了吧，每逢新年行年宵必食小食，今次銅鑼灣一樣有得食。

時代廣場「街頭小食檔」

時間：下午2時至下午7時

時代廣場「香港飲食文化」展覽

地點: 銅鑼灣時代廣場露天廣場（顯示地圖）
日期: 2016年4月28日至6月5日
時間: 上午10時至下午10時