一個人喺屋企最絕望食咩？粟米片＋水絕望充飢 方法無奇不有｜飲食熱話

獨居止餓終極懶人包：食奶粉、飲豉油、粟米片加水

獨居懶蟲搵食以為叮微波食物、叫外賣已經夠省時省功夫，怎料一山還有一山高，有人會以食奶粉、飲豉油、粟米片加水來止飢，教人大開眼界。在連登討論區的的「懶X，一個人係屋企最絕望試過攞咩嚟食？」帖文下，懶到出汁的網民為了以終極懶惰方法來醫肚，無所不用其極，有人會吃「上年中秋食剩嘅月餅」、「一包五個光酥餅食咗兩日」、「麥皮+凍滾水」、「片糖、冰糖，當糖食」、「蟹柳sashimi」外，更有人曾試過「開雪櫃見到有臘腸， 生食左一啖，覺得好X難食，之後見有椰菜，洗完點蠔油生食，又係好X難食」，創作力量和幻想會嚇人一跳，懶人餐單令人嘆為觀止！