愚人節各大品牌娛人合集 譚仔坦仔話字典＋沙嗲王白咖喱罐頭｜網路熱話
撰文：Joan、Jeff、Suki 圖片：官方圖片
愚人節各大品牌娛人合集
以下精選了9間品牌的愚人節Fb Post合集，有啲假嘅產品，大家想好想擁有，快啲變實體版！
1. 沙嗲王 外賣白咖喱汁
沙嗲王的白咖喱豬扒飯一向受大家歡迎，幾乎是枱枱必點！竟然畀我哋等到白咖喱出罐頭裝？以後可以將咖喱汁淋在任何食物上，諗起都興奮！更有網民在貼文留言「唔好講笑，呢個真係有得諗」、「你出我一定買！」等等，沙嗲王，真係諗諗佢！
3.SEIKO 精工表仙貝錶盤
SEIKO 精工表是日本著名的鐘錶製造商，宣怖推出仙貝錶盤，日本傳統烤米餅由技藝精湛的熟練工匠烤焗而成，再造成錶盤，非常搞笑！品牌為今次的愚人節頗花心思，除了圖片外，更造了官方網站和短片
4. 媽咪麵新口味！臭豆腐＋芫茜風味
由細到大都陪着大家的藍毛毛和媽咪麵，竟然推出新口味？一日限定嘅口味有臭豆腐、芫茜、芝士、紫菜口味！Shake麵個陣會唔會臭到唔想食？Fb Post上面更加無一句提及愚人節快樂，要按下購買傳送門才知道是被騙了！玩得徹底！
5.譚仔三哥「十小辣V臉面膜」
譚仔三哥正式宣佈進軍美容界，三哥經多年研究發現，辣椒除了能夠刺激味蕾，護膚方面其實都具有神奇功效！推出全球首款「十小辣V臉面膜」，當中更注入招牌麻辣湯精華成份，不僅具有美白、保濕效果，更有助減淡細紋同色斑！用完有強勁V面效果，而且三哥姐姐，已經率先試用 ，網民見試用圖後紛紛稱好癲！
譚仔姐姐率先試用 效果一級捧
平時見譚仔三哥的落單姐姐容光煥發，原來她們已經率先試用「十小辣V臉面膜」，早已把麻辣湯精華成份注入肌膚深層，散發白裡透紅的自然光采！
6.譚仔坦仔話字典
譚仔三哥的勁敵－譚仔雲南米線都有出Post宣傳新品，新推出的坦仔話字典，只要食完埋單時同收錢姐姐講「禾想要坦仔話字than」，就可以買啦！本字典幫大家記錄低所有食物嘅姐姐獨創讀法和解釋，如果真推出的話，香港人一定會買本收藏！爭取坦仔話成為香港官方語文！
7. 麥當勞 無聊整人魚柳包
恕編輯直言，麥當勞愚人節Post算是各大品牌內最無創意的一個！個Post叫大家點擊播放，教大家用魚柳包來整蠱人，但其實只是圖片扮影片，呃大家按入圖片，幾年前呃Like的慣用技倆，一個字，悶！
8.南記粉麵新出杯麵及薯片 OT恩物
南記粉麵4月1日隆重推出魚肉春卷杯麵及辣味薯片，等等！再細看清楚，原來這些產品並不會出售，只是愚人節呈獻，簡直震驚所有南記粉絲！不過食物看來像真度十足，如果南記真的推出杯麵和薯片，看來也有不少捧場客呢！
9. 麵屋一燈 西多拌麵
麵屋一燈為大家帶來全新拉麵口味配搭，把炸得金黃的西多和甜品融入拉麵，有法式吐司拌麵配低溫慢煮叉燒、士多啤梨朱古力湯拉麵，仲有SHOW ME肉粒－粟米肉粒沾麵！甜到漏！
覺得好吸引？想買？認真你就輸了，以上皆是愚人節笑話，大家請勿當真，笑過就算。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
