朱古力玫瑰
朱古力玫瑰

平過買真花!情人節 $560上堂 DIY 朱古力玫瑰 |情人節送乜好

飲食

廣告

下星期就是情人節,你準備好禮物未?今年情人節是星期二,亦即是說,辦公室收花攻防戰又來了。嫌鮮花老套,不如來向烘焙老師Takkie 學藝,親手用朱古力變成可以睇、可以食的 朱古力玫瑰 花,將心思和甜蜜level up,價錢分分鐘平過真花!

撰文:ning 攝影:Tommy

&feature=youtu.be

放閃必勝 睇得又食得的 朱古力玫瑰

這束手作 朱古力玫瑰 像真度極高,每片花瓣微微向外綻放,富有層次,賣相絕不輸真花,捧在街上行走,定必惹來艷羨目光。而且保鮮期更長達1個月,抵玩過鮮花,今年用它來放閃,贏晒!

朱古力玫瑰 的誕生

朱古力玫瑰 的花瓣用黑朱古力混合粟膠而成,內層的花蕊則是1粒白朱古力士多啤梨乾。看似簡單,實際卻講求看手指的溫度和功力,因為要在朱古力遇熱溶化前,迅速捏 揉成大小相近、上薄下厚的花瓣,再由內至外逐層黏上,花瓣數量和大小都會隨着層數遞增,所花的工夫並不少!

製作朱古力需要1雙冷凍之手,若然你是個熱血青年,記得問老師借個冰袋協助,避免辣手摧花。記者當日試玩時就曾經因為太緊張,手指過熱,朱古力一捏就溶,無法將花瓣塑形,場面非常搞笑。

 

試玩後感:新手都搞得掂!

3小時的上課時間很充裕, 朱古力玫瑰 的製作技巧亦算易掌握,新手都能做到。而且價錢不算貴,$560可以做到6支玫瑰帶走;男生更有$520的鼓勵價, Takkie 說很多學員都是男生,甚至比女生弄得更巧手精緻!情侶來學更可以有齊12支玫瑰,夠晒冧冧豬!

 

Takkie Sweet Cake
地址:油麻地永星里2號永星商業大廈18樓全層
電話:2376 2566
「情人節士多啤梨朱古力花班」上課日期及時間:2月12日 11:00am-2:00pm
學費: $560/位(連6支玫瑰材料、包裝花紙及絲帶)、$520(男士上課優惠)、 $880(情侶優惠,加送6支玫瑰材料,共12支)

備註:須預早報名留位

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..