德福廣場打工仔「是日靚午」推介｜賀年限定漢堡、港式清湯腩、極上蝦湯拉麵、經典鐵板餐

創意玩味！b.o.t.h. by Texas Burger 賀年限定漢堡

想同同事一齊chill住食返餐靚午？主打美式漢堡與西餐嘅「b.o.t.h. by Texas Burger」就最適合不過。餐廳裝潢融合美式工業風與德州元素，塗鴉牆與戲院風格招牌營造出輕鬆活潑嘅氛圍。為迎接新年，餐廳更推出一系列賀年限定美食！「發財好事芝士牛肉漢堡套餐」將唐揚廣島蠔及酥脆髮菜加入漢堡，意頭十足又充滿驚喜。想食甜品亦有「祥馬送福甜品二重奏」，時令甘橘奶蓋Souffle pancake拼上印有賀年字句嘅迷你雪糕三文治，打卡必備！飲品方面則有「草莓糖福祿拿鐵」，自家製草莓山楂醬配上香醇咖啡，再來一串冰糖葫蘆，酸甜交織，層次豐富。

b.o.t.h. by Texas Burger

地址:德福廣場2期5樓510-513號舖

腩中極品！興哥清湯腩 貼地經典

牛腩愛好者有福了！人氣「興哥清湯腩」第二間分店正式登陸德福廣場。牛腩每日於店內現場燜煮，確保牛腩充分吸收湯汁精華，肉質軟腍入味，火候十足。餐廳更提供牛腩嘅不同極品部位，例如牛味最濃郁嘅「牛坑腩」，以及帶有筋膜、口感豐富嘅「崩沙腩」，滿足一眾牛腩專家嘅要求。一碗熱騰騰嘅清湯腩，配上粉麵或飯，就係最療癒又滿足嘅午餐，為下午嘅工作注入滿滿能量。

興哥清湯腩

地址：德福廣場2期5樓520-523號舖

經典西餐！茜廊餐廳 滋滋作響鐵板餐

有時候，最簡單直接嘅美味最能滿足味蕾。開業46年嘅西餐廳 –「茜廊餐廳」一直係係九龍灣唔少打工仔嘅飯堂，招牌「鐵板西冷牛扒配薯菜」嚴選特級西冷，在高溫鐵板上煎至焦香，完美鎖住豐盈肉汁。牛扒肉質緊實有嚼頭，啖啖肉味醇厚，配上熱辣辣嘅薯菜，令人大滿足。如果想更豐盛一點，可以選擇「芝士焗龍蝦拼牛柳」，一邊是高溫煎封、肉汁飽滿嘅厚切上等牛柳，另一邊是配上濃香芝士汁嘅龍蝦，口感細滑，一次過享受海陸雙重滋味。

茜廊餐廳

地址:德福廣場1期平台P8號舖

極上蝦湯！一橋拉麵 熬足八小時濃厚滋味

拉麵控注意！「一橋拉麵」嘅招牌「海老濃湯玉子叉燒拉麵」絕對能衝擊你嘅味蕾。以大量新鮮海蝦，配合豬骨與老雞一同熬煮八小時，熬出濃稠度十足嘅自家製蝦湯。上菜前，更會滴上用蝦頭蝦殼熬製嘅蝦油精華，令鮮味昇華。麵條自家製作，掛湯度極高，配上秘製叉燒、味筍、木耳絲及溏心蛋等豐富配料，每一口都是極上の享受。食完新一年「蝦」哈大笑，好運自然來！另外亦有人氣小食「海老豚肉燒賣」，自家包製即叫即蒸，同樣充滿鮮味。

一橋拉麵

地址:德福廣場2期5樓528-529號舖

新鮮現製！肉肉大米 爆汁日式牛肉漢堡

主打現做現烤日式牛肉漢堡嘅「肉肉大米」，對食材要求極高，堅持為客人帶來最新鮮嘅美味。店舖每日採用精選上級牛肉，經熟成後再於店內新鮮絞製，確保漢堡扒肉味濃郁。米飯亦不馬虎，嚴選優質大米，以淨水新鮮烹煮，口感份外軟熟。最近更推出期間限定嘅「忌廉菇菌漢堡排」，將熱辣辣嘅漢堡扒，淋上以三種菇菌、番茜及忌廉汁新鮮煮成嘅醬汁，菌香與忌廉嘅幼滑完美結合，令漢堡排嘅層次提升到另一境界，無論是打卡還是味道都絕對一流，絕對是打工仔午餐幸福之選。

肉肉大米

地址:德福廣場1期1樓F23號舖

睇完係咪已經流晒口水，諗好聽日同同事食邊間未呢？無論你想食地道清湯腩、創意fusion西餐、濃厚拉麵、經典鐵板餐，定係爆汁漢堡扒，德福廣場都有齊選擇，實有一間啱你心意。快啲約埋同事、朋友一齊去德福廣場，好好慰勞吓自己啦！

德福廣場

地址：九龍灣偉業街33號 (港鐵九龍灣站上蓋)

FB: https://www.facebook.com/TelfordPlaza/
IG: https://www.instagram.com/telfordplazahk/

(Presented by：德福廣場)