平食鐵板燒
平食鐵板燒

$150以下 4大 平食鐵板燒 台式半溶芝士蛋

飲食

廣告

香噴噴的鐵板燒 ,幾時都想食。坊間有大廚即叫即炒的,幾百蚊走唔甩。今次找來全港4間堅貼地 平食鐵板燒 店:有台式夜市feel、有自己動手燒,亦有街市立食,隔住個mon都聞到香。

撰文:Lisa|圖片:Wing、Scott

過江人氣台式 平食鐵板燒

粗略統計,全台有超過5,000家鐵板燒店,香港人去旅行,不免要食返餐。最近有台灣飲食集團紗舞縭首次來香港開店,選址康怡AEON STYLE,請來廿年經驗的台灣主廚將秘製醬汁帶過來,風味正宗。唔想排隊,最好平日6:30pm前入座,只得26個位,企齊5個師傅,香到離譜。

 

開在AEON STYLE地下的美食廣場,平日6:30pm已經座無虛設,5位師傅,站在U形吧枱齊齊開動,香氣吸引更多人來排隊。

$298 4餸2人餐

4個餸都可以自選:豉汁葱粒燒蠔、羅勒惹味嫩鴨胸、西芹花枝蝦仁、黑胡椒豬肉片,再有白飯、湯、麵包、青菜。

手板大泰國蝦,開邊鋪上芝士煎焗,牛油香撲鼻。

 

蛋煎得夠香, 中間加了大量水牛芝士,蛋香濃郁。

鐵板燒紗舞縭 Shaburi Teppanyaki
地址:太古康怡廣場AEON STYLE地下 (顯示地圖)
電話:2884 6888
營業時間:11am-10:30pm
平均消費:$150/位
備註:不設加一,收信用卡

午夜爆香!鐵板車仔檔殺入街市

由車仔檔做到入舖,屯門良景蒜爆王老闆阿堅最愛用蒜香吸客:蒜香魷魚鬚、鴨舌、雞軟骨,配合用豉油、鮮蘋果汁和醋熬足3小時的濃稠醬料,炒起來,又香又惹味,經常大排長龍。客人可自選肥牛、雞肉、腸仔、鴨胸、豬頸肉等,用來炒飯/ 麵/ 烏冬,才$30,很多街坊來買宵夜,愈夜愈旺。
愈夜愈旺,10pm後來買宵夜的街坊迫爆小店。

大大條新西蘭魷魚鬚,條條沾有蒜蓉,香爆。

用木薯粉、雞蛋煎成,蠔仔份量頗多,夠香口。

材料當然不能同貴價貨相比,但二、三十蚊就食,絕對是街坊價。

炒粉麵可任選配料3款,有車仔麵feel。

蒜爆王
地址:屯門良景邨良景市集118號舖 (顯示地圖)
電話:從缺
營業時間:7am-2pm、6pm-1am
平均消費:$50/位•備註:只收現金、不設加一

港式代表!自己鐵板 自己燒

iPhone Plus 咁細塊鐵板,好打耳,而且可以自己落手燒,最啱一班朋友飲住啤酒齊齊食。旺角新開的烏龍燒,每枱有獨立gas 爐,共有5款鐵板小食:雞翼、玉子蛋、醬燒豬皮等等,由生燒到熟,仲有多款調味粉任落任用任灑,好好玩。
除了鐵板,還有串燒,全部細細份,三、四十蚊有交易。

黑椒、蜜香和蒜香三款,外香內滑。

新鮮番薯肉打成, 吃罷鐵板燒,飲啖凍入心的冰沙,爽。

爐上也可放煲仔,這個蠔煲打開葱香撲鼻,蠔肉爽滑。

 

枱面有啤酒自由斟,按錶計費,$15/ 100ml。

烏龍燒
地址:旺角染布房街5號藝興大廈地下14號舖 (顯示地圖)
電話:2336 737
營業時間:星期日至四 6pm-3am;星期五、六 6pm-4am
平均消費:$150/位
備註:不設加一,收信用卡

情侶檔!即炒鐵板便當

鐵板燒的親民程度,已經蔓延至草根的桂林街。四十零蚊,有肉有菜有飯還包凍飲,雪花一口牛、照燒雞、赤味噌五花豚,還有山葵的雞扒包,口味很和風,還可以透過大玻璃看著大廚即時炒製。食物都以環保飯盒盛載,盒子份量大,飯量足有碗半,肉就鋪滿飯面。加$8還可額外加半份肉,夠兩個女孩子食。
雞肉加蛋漿醃,肉質滑溜,照燒汁也惹味。

雞肉入味,山葵汁夠搶鏡,有辣勁,配搭清新。

豚肉片油香豐富,跟味噌非常相襯,香而不辣。

裝修簡約,牆上的壁畫是Tracy請設計師繪製,感覺年輕。

板上
地址:深水埗桂林街36B(顯示地圖)
電話:2386 8288
營業時間:11:30am-10pm
平均消費:$40/位
備註:不設加一,只收現金
延伸閱讀
跟阿Mi潮食 3D榴槤蛋糕 大比拼!|Food Battle|

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..