【帝京酒店自助餐】即製巨型焗芝士梳乎厘爆「芝」登場！每滿4位加送山珍海味「迷你佛跳牆」

Jul 6 2023

暑假機票特別貴，不如留彈藥在香港「刷餐勁」！帝京酒店自助餐廳花月庭由即日起至10月2日帶嚟「繽FUN夏日美食巡禮自助晚餐」。全新裝修不但更有日本 feel，仲將多款香田日式料理餐廳的和式料理帶到自助餐，新鮮刺身、壽司、爐端燒任食！同場加入一系列避風塘海鮮、潮州滷水等經典地道美食，可以歎住冷氣同朋友啤一啤！而且餐廳仲入圍「新假期必吃食店大獎」的「必吃自助餐」及榮獲「最回味食府金獎」，想同朋友享受呢場充滿繽紛樂趣的夏日美食之旅，緊係要立即Book枱！

全新日系裝潢！平日 $578起歎關東煮、拉麵

留在香港一樣有日本風味！花月庭已經重新裝修成日本風格，用上淡木色設計，散發獨特簡約禪味的和風氣質，仿如置於京都的高級餐廳一樣。現在星期一至四成人 $578起可以任食自助餐之餘，仲可享用埋源自帝京酒店前香田日式料理餐廳的人氣名物。當中的火炙黑松露忌廉汁波士頓龍蝦在火熱的鐵板上即席炙烤，新鮮龍蝦肉爽口彈牙，黑松露獨特的焦香撲鼻，令人食指大動！而叉燒湯拉麵湯底更是以豬骨及豬肉等食材經過四至五小時熬煮而成的精華湯底，味道香濃且鮮甜，自家製的日本叉燒軟腍入味，都是必食推介之一。

自助餐花月庭重新裝修成日本風格，更加入多款日式美食。 — 花月庭重新裝修成日本風格，更加入多款日式美食。

自助餐花月庭更引入帝京酒店前香田日式料理餐廳的人氣名物，自家製的日本叉燒拉麵。 — 花月庭更引入帝京酒店前香田日式料理餐廳的人氣名物，自家製的日本叉燒拉麵。

經典美食佐酒一絕！每滿4位加送「迷你佛跳牆」

天氣太熱，但又心思思想到冰凍、香辣惹味等美食？今次就可以嘆住冷氣食凍瀨尿蝦、蒜香紙包骨、茄汁乾煎蝦碌、避風塘炒蟹、鬼馬油炸鬼、懷舊錦滷雲吞、懷舊炸油糍、足料碗仔翅、沙田雞粥！一個價錢就食到，不用怕「唔知價，畀人劏！」現在每滿 4位成人惠顧自助晚餐，更會送上山珍海味「迷你佛跳牆」乙客，一次過有齊鮑魚、海參、花膠、花菇及瑤柱，矜貴又滋味！

自助餐「迷你佛跳牆」由智利鮑魚、中東海參、優質花膠，配以大大隻肉厚的花菇與瑤柱，以及鹹鮮有致的金華火腿熬製五至六小時燜煮而成，絕對是大廚心機之作！ — 「迷你佛跳牆」由智利鮑魚、中東海參、優質花膠，配以大大隻肉厚的花菇與瑤柱，以及鹹鮮有致的金華火腿熬製五至六小時燜煮而成，絕對是大廚心機之作！

自助餐避風塘菜式用上新鮮的大肉蟹，加入蒜頭、葱段、豆豉、辣椒等混合的醬料爆炒而成，辛香惹味，蟹肉鮮甜而肉質爽滑，好有經典地道風味！ — 避風塘菜式用上新鮮的大肉蟹，加入蒜頭、葱段、豆豉、辣椒等混合的醬料爆炒而成，辛香惹味，蟹肉鮮甜而肉質爽滑，好有經典地道風味！

自助餐全新的「潮式滷味區」帶來多款以秘製滷水汁滷製的滷水鴨、滷水鴨珍、滷水梅花肉、滷水肥腸、滷水百頁豆腐等，軟腍入味，未入口已經香氣撲鼻，味道更是令人齒頰留香。 — 全新的「潮式滷味區」帶來多款以秘製滷水汁滷製的滷水鴨、滷水鴨珍、滷水梅花肉、滷水肥腸、滷水百頁豆腐等，軟腍入味，未入口已經香氣撲鼻，味道更是令人齒頰留香。

甜品控必食：即焗巨型芝士梳乎厘爆「芝」登場！

甜品控當然要關注一下甜品吧的動態！今次加入多款港式經典甜點，平日星期一至四會有巨型芝士梳乎厘，而假日逢星期五至日則有火焰雪山，以及Royal Delights (R+)大受歡迎鬼馬蛋糕系列之一的「燒鵝髀飯」（熱情果牛奶朱古力香蕉慕絲蛋糕）登場！同時仲有蓮蓉西米焗布甸、龍鬚糖、港式拿破崙、港式酥皮蛋撻、凍鴛鴦布甸、聖多諾克泡芙等，充滿港式情懷！想健康一點，亦有意大利純素芝士蛋糕、純素櫻花水信玄餅、無添加糖有機豆乳忌廉蛋糕和草莓杏仁布甸、無麩質抹茶燕麥糠布甸及香橙燉蛋等選擇，非常貼心！

自助餐巨型焗芝士梳乎厘入口軟滑，空氣感十足。加上特別調製的芝士汁一同進食，充滿奶油香並帶微甜，「芝」味爆登！ — 巨型焗芝士梳乎厘入口軟滑，空氣感十足。加上特別調製的芝士汁一同進食，充滿奶油香並帶微甜，「芝」味爆登！

假日矜貴美食再升級： $638起磯燒日本帆立貝無限食！

平日的美食已經花多眼亂，但每逢週五至日、公眾假期及前夕更將驚喜升級！$638起可以食到更多矜貴菜式！當中包括油甘魚、北京片皮鴨、磯燒日本帆立貝、乾蔥鮑魚白靈菇雞煲、金蒜龍蝦雞球飯等，滋味 Level UP！

自助餐每隻肥美飽滿的生蠔，鮮味十足，上方鋪滿炸香的黃金蒜蓉及蔥粒後，以高溫燒熟，香味直接滲透入蠔肉當中，蒜味十足，入口啖啖肉，惹味無比！ — 每隻肥美飽滿的生蠔，鮮味十足，上方鋪滿炸香的黃金蒜蓉及蔥粒後，以高溫燒熟，香味直接滲透入蠔肉當中，蒜味十足，入口啖啖肉，惹味無比！

自助餐除了人氣高企的雪場蟹腳外，今次特別加入全新*的凍瀨尿蝦、凍東風螺等，還有美國生蠔，即叫即開，保證新鮮，必能滿足一眾海鮮控！ *食物輪流供應 — 除了人氣高企的雪場蟹腳外，今次特別加入全新*的凍瀨尿蝦、凍東風螺等，還有美國生蠔，即叫即開，保證新鮮，必能滿足一眾海鮮控！ *食物輪流供應

自助晚餐供應時間及價目

	時間	成人	小童
星期一至四	18:00 – 22:00	HK$718	HK$438
星期一至四	17:45 – 19:45 / 20:00 – 22:00	HK$578	HK$358
星期五至日、公眾假期及前夕 ^升級美食	18:00 – 22:00	HK$798	HK$508
星期五至日、公眾假期及前夕 ^升級美食	17:45 – 19:45 / 20:00 – 22:00	HK$638	HK$418