屯門
屯門

屯門友便利店增值八達通 入$1,000變$500? 事主懷疑職員搏大霧|飲食熱話

飲食熱話

廣告

Facebook專頁「屯門友」代街坊發帖,上載了一張7仔單據,列明「八達通增值$500」,事源事主在屯門市廣場1期7仔增值$1,000八達通,女店員亦覆述入$1,000,後來事主查看單據才發現只入了$500,事後追討,女店員雖然立即補回$500,卻「唔好意思都無句 ,解釋都無!」事主覺得「好似博大霧咁,博我唔睇單」。事件引來大批網民關注留言,並有不少人分享同樣的「中伏」經驗。

屯門7仔職員搏大霧?疑八達通入$1,000變$500?

無論在什麼地方買東西,都要好好查看單據,不要嫌此舉很「師奶」,不然分分鐘中伏!Facebook專頁「屯門友」就代街坊發帖,分享增值八達通差點中伏的經驗。帖文內容為「我係屯門市廣場地下間7仔入8達通,入$1,000,果個後生女仔職員都講 係入一千8達通!但係霎眼望到佢螢幕好似只顯示我入左$500,見後面多人就走開再睇清楚張單,果然只係入得$500!再問番果個女仔,話我入$1,000點解得$500? 佢完全無奇怪,亦無講任何野,拎左我張8達通即刻幫我再入番$500。」

店員的反應令事主生疑,覺得她是有意為之,搏大霧:「我好好奇佢既舉動,好似慣犯咁!好似博大霧咁博我唔睇單,唔好意思都無句 ,解釋都無!佢好令我懷疑佢真係有心特登入小左錢比我!想提醒大家要小心留意」。

Facebook專頁「屯門友」代街坊發帖。
Facebook專頁「屯門友」代街坊發帖。(圖片來源:Facebook@TuenMunLocals )
屯門 帖文中有一張7仔單據,列明八達通只增值了$500。
帖文中有一張7仔單據,列明八達通只增值了$500。(圖片來源:Facebook@TuenMunLocals)
事源事主在屯門市廣場1期7仔增值$1000八達通,店員亦覆述入$1000。
事源事主在屯門市廣場1期7仔增值$1000八達通,店員亦覆述入$1000。(圖片來源:《志明與春嬌》劇照)
屯門 事後一看單據,才發現八達通只入了$500。
事後一看單據,才發現八達通只入了$500。(圖片來源:www.octopus.com.hk)
屯門 事後追討,店員雖然立即補回$500,卻「唔好意思都無句 ,解釋都無!」其態度令事主甚為氣結!
事後追討,店員雖然立即補回$500,卻「唔好意思都無句 ,解釋都無!」其態度令事主甚為氣結!(圖片來源:《志明與春嬌》劇照)
屯門 事主覺得「好似博大霧咁,博我唔睇單」。
事主覺得「好似博大霧咁,博我唔睇單」。(圖片來源:《愛回家》劇照)
事發7仔為屯門市廣場1期分店。
事發7仔為屯門市廣場1期分店。(圖片來源:Google Map)

網民熱議!分享中伏經驗

帖文一出﹐網民紛紛留言,不少人多謝事主提醒,並建議事主一定要向公司反映:「一定要同公司投訴呀」。最意想不到的是原來很多網民都曾「中伏」!「我今年一月份喺元朗某一間七仔都有試過,係用同一招數,大家真係小心啲呀」、「兆康西鐵站南個七仔我都試過,大家去七仔入八達通真系要小心」,而且有人不止中伏一次:「我試過幾間7-11都會有咁的情況,所以增值一定要攞收據看清楚」。

更有網民分享小道消息,呼籲大家一定要小心:「有朋友曾經做過7仔,之前都有同我講過類似上述事件,提醒我一定要拎收據。」亦有人為事件中的女職員辯解:「因為佢哋部收銀機增值八達通嘅掣最大金額係$500,如果增值$1,000要撳兩次,但係呢啲輕觸式收銀機啲制唔係好靈敏,應該係個員工冇睇螢光幕,撳咗兩下,但係唔知原來有一下撳唔到」。無論職員有心定無意,為了保障自己,大家到便利店增值,一定要睇清楚單據啦!

屯門 原來不多網民都曾「中伏」!
原來不少網民都曾「中伏」!(圖片來源:《愛回家》劇照)
屯門 建議向公司投訴。
建議向公司投訴。(圖片來源:Facebook@TuenMunLocals)
屯門 很多中伏經驗的留言。
很多中伏經驗的留言。(圖片來源:Facebook@TuenMunLocals)
屯門 網民在不同分店也遇上同一情況。
網民在不同分店也遇上同一情況。(圖片來源:Facebook@TuenMunLocals)
屯門 不止7仔,其他店鋪也有搏大霧之嫌,大家真的要睇清睇楚單據,金晴火眼呀!
不止7仔,其他店鋪也有搏大霧之嫌,大家真的要睇清睇楚單據,金晴火眼呀!(圖片來源:Facebook@TuenMunLocals)
屯門
(圖片來源:Facebook@TuenMunLocals)
屯門 有人為事件中的女職員辯解,但網民回覆如為無意之失,起碼要有句道歉。
有人為事件中的女職員辯解,但網民回覆如為無心1之失,起碼要有句道歉。(圖片來源:Facebook@TuenMunLocals)

關鍵詞
飲食熱話
圖片來源:Facebook@TuenMunLocals、《愛回家》劇照、《志明與春嬌》劇照