【自助餐放蛇起底組】尖沙咀$158 香辣雞煲 +火鍋任食 送點心+紅棗糕+自家煲涼茶
撰文、攝影：放蛇組
香辣雞煲 超惹味：雞件大件+濃味醬汁
$158包雞煲、火鍋、點心和甜品，任食兩小時，不限時段。首先上枱的是雞煲，會有店員在你面前加熱後再快炒，這個時候已經聞到超香的醬料味道，然後店員會把雞煲蓋上焗一會就食得。兩人約有大半隻雞，雞件大件多肉，肉質完全不嚡，而且醬汁好濃味，就連旁邊的洋葱、蒜頭等都很香口。食雞煲時送上了一籠點心，當日有鮮蝦粉果和潮州粉果，兩者外皮均很煙韌，而鮮蝦粉果的蝦肉超爽彈，而且超足料，非常有口感。
不過一坐下立即發現枱面有少少食物碎屑未清理好，略嫌有點骯髒呢！
雞煲上枱時店員會炒幾下，再焗一會就食得。
兩個人約有大半隻雞，雞件多肉，而且肉質剛好，不會嚡。最重要的是醬汁夠香濃，應落了頗多香料。
會送一份點心拼盤，當日的是鮮蝦粉果和潮州粉果，非常足料，外皮煙韌好食。
火鍋拼盤：必食手打丸
食火鍋時會送上一盤火鍋雜錦拼盤，有安格斯肥牛、中山脆肉鯇、竹串海生蝦、手打牛丸、鮮蝦丸、墨魚丸、鯪魚丸、即包餃子和菜籃，放得整齊，賣相不錯。另外亦可劃紙仔叫火鍋配料，有牛、豬、雞肉、脆鯇、手打丸、菜和麵等，選擇大路，可惜沒有海鮮呢。
食完雞煲後會送上一set火鍋拼盤，有安格斯肥牛、海蝦、脆鯇和手打丸等，可惜安格斯肥牛和海蝦不能再任點，其他的都可以再落order任叫。
海蝦肉質結實，幾新鮮。
手打丸類有牛丸、蝦丸、墨丸和鯪魚丸，每款均爽彈，好有口感，必食！
有肉類、丸類、菜和麵等可任點任食。
肉類除了有美國肥牛外，亦有日本黑豚肉和黑草羊肉片。
肉片切得超薄，薄到透光！
羊肉肉味濃郁，有咬口，如果你愛吃羊羶味的，這款一定要試。
上火鍋時會附上調味架，不過店員忘了拿給我們，提醒後亦很快補回。
記住叫甜品：超煙韌紅棗糕
吃完火鍋，記得要叫店員上甜品，有其他客人無食到便結帳走了，店員亦無多加提醒。放蛇當日有凍椰汁糕和熱紅棗糕，紅棗糕超級煙韌，好難切開，帶紅棗的清甜，不錯。飲品有各款汽水任飲，還有自家煲製的雞骨草茶和羅漢果山渣，羅漢果山渣酸得來很開胃，飲得出沒有加糖！而汽水櫃旁有個大冰桶，超不起眼，但原來裡面是有罐裝啤酒，不要錯過！
當晚的甜品有椰汁糕和紅棗糕，不過見到旁邊大枱有桂花糕，看來都是隨機發放。
有汽水可任飲。
還有自家煲製的涼茶。
飲品櫃旁邊有個大冰啤着啤酒，好易看漏眼呢！
羅漢果山渣夠酸，帶甘甜。
總結：一共有點心、雞煲和火鍋三款食物，火鍋配料都是大路選擇，如果有海鮮就好啦！雞煲的味道不錯，香辣惹味，其他火鍋料亦有水準。只不過環境似酒樓格局，一入座枱面都未抹乾淨，有點頹；服務方面亦有小甩漏，但店員們都很有禮貌。而記者是平日去試食，約7-8pm都已經全場滿座，好受歡迎。價錢方面，$158可以任食2小時，但是夠鐘後亦無人請我們離座，可以坐多一小時……
一句到尾：係抵食嘅！
食力點心·雞煲專門店
地址：尖沙咀彌敦道81號喜利大廈地庫（顯示地圖）
電話：2661 2638
點心‧雞煲‧火鍋供應時間：6pm-00:30am
收費：$158 (兩位起)
用餐時間：2小時
備註：收加一
延伸閱讀：
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
