富東閣酒家 沙田店疫情重開！$178外賣片皮鴨即叫即整 另推多款重開優惠 點心買3送1 ＋小菜 ／燒味減價｜區區搵食
廣告
富東閣重開！富東閣沙田店自從2月因疫情停業後，最近宣佈3月19日重開啦！除了可以到場堂食飲茶外，全日更有外賣優惠，其中重點推介外賣片皮鴨，即叫即片，最平$178就食到！此外，也有小菜及點心優惠，買三款即送一款，即睇啦！
富東閣海鮮酒家沙田店3月19日重開！曾因疫情停業 重開後將供應堂食＋外賣
疫情關係，早前2月一批酒樓結業及停業潮，而沙田富東閣海鮮酒家也是其中之一。最近富東閣在Facebook宣佈，於3月19日正式重開啦！營業時間由早上至晚上8點半，堂食及外賣均供應，更推出一系列重開優惠！
片皮鴨外賣成焦點！$178 厚切20塊
重開的消息一出，大批網民最掛念的竟然是富東閣的片皮鴨！現時重開推行優惠，逢星期一至五只需$178就買到即叫即切的片皮鴨，六至日及公眾假期為$198，其份量充足，一盒有成20塊，也包含葱絲、青瓜、荷葉餅及片皮鴨醬。熱辣辣食仲有脆皮的感覺！加$30可以有埋兩食之選，可從七彩炒鴨絲、涼瓜炆鴨件、醬爆鴨件，或加$20原個鴨殼攜走。$200即有兩餸，作為晚餐抵食又豐富。
買3送1＋買6送2：點心／小菜優惠套餐組合
除了片皮鴨外，富東閣推出多款優惠套餐組合，其中點心、生料外賣點心、全日外賣小菜均有買3送1及買6送2優惠。所有熱食點心每款只需$29，即叫即製，30款點心包括鵪鶉蛋燒賣、馬拉糕、潮洲蒸粉果等，嗌齊8款每份點心$21就有交易！而小菜方面有25款選擇，每款原價$85，最吸引的一定是龍躉二味，包括龍躉球及龍躉頭腩，其次黑椒牛柳粒、菠蘿咕嚕肉、薑葱生蠔、翡翠花姿蚌片小菜也是不二之選！
餐牌：
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
撰文：艾菲圖片來源：富東閣海鮮酒家
