富士山55
富士山55

富士山55 !日式爆海膽豪華撈麵@甜仔

飲食

廣告

回到香港沒多少天,一直趕Essay,但沒有靈感,毫無頭緒。辛辛苦苦擠出一千字左右,看著尚有三兩日時間,打算應友人臨時之約後再做也不遲。結果?還是不安心,頓時爆多幾百字,果然越不得已的時候效率就越高。到時到候出門口,約正開門時間,以為自己準時,豈知友人早在門外等著。

富士山55 豪華美食

歸港後外食第二餐,不像先前飲茶咁港式,倒是來點日本風情。只去過銅鑼灣店,第一次來尖東店,店內格局當然有點分別,但共通點係要霸位。我倆斯然入坐,不忘留位俾公務繁瑣都仲趁空檔趕緊黎既朋友,嚴格而言是前輩。沒多久,小小店面已經至少半滿,不禁有點驚訝……(利申:少在平日午間出尖東覓食)。

齊人就馬上開飯,主角先殿後,懶係賣關子,來份煎餃子 $31(五隻)開場。煎得帶點金黃,只有少許油光,皮脆而餡不乾澀,微甜,味道也夠自然。沾醋,酸酸地更開胃,久違既正常既日本野啊……(講真係得宿舍果位日本朋友整得好食,之前去挪威食左一餐壽司之後已無興趣再挑戰)。

一見個名就鍾情,立馬要個近排推出既黑松露帆立貝撈麵 $168。講起 富士山55 ,除左沾麵,就係芝士飯,但原來仲有後續,新登場既竟然係撈麵。清甜軟彈的貝肉是為亮點,以晶瑩鮮味的三文魚籽作伴,愛出風頭的半熟蛋今次比下去了。跟沾麵不同,醬汁早已埋藏在豐富食材之下,靜待我們將其均勻拌好。本以為不算十分粗身的麵條浸汁一定軟軟爛爛,事實上還算煙韌。醬汁稠度剛好夠黏上麵條,不會太濃太膩,更進一步添上黑松露醬的幽香。

再次豪食海膽沾麵 $188,和半年前在銅記店食時一樣價位。細嫩鮮甜的海膽基本上係跣入口,然後要分點時間去細味甘美的餘韻。麵條還帶點咬口,沾汁濃郁,鹹中……咦?唔同左,唔只打碎入沾汁,而家有埋原片海膽。沾汁味道甚濃,重口味啱我,唔只係用黎沾,而係舀起大啖大啖當湯飲。

轉眼即逝的午飯時間,只想說感謝友人相約,讓我吃到又華又實的一頓。話說近排生日,係,係近排,係成個月,係成個月都係我既(霸氣)。今餐食咁多麵,實夠長壽,毫不費吹灰之力……我指食果下,唔係減肥……

富士山55

地址:香港尖沙咀麼地道75號南洋中心地下7-8號(顯示地圖

營業時間:星期一至日1200-2300
電話:2723 7737

最新吃喝玩樂資訊