好食火鍋 火鍋 西環
好食火鍋 火鍋 西環

【出街搵食】超爆場!西環好食火鍋老店!鮮甜番茄雞腳湯底~手切牛頸脊+刁鑽火鍋配料 | 西環火鍋 |

飲食

廣告

非任食的火鍋,逐碟計錢,遇著食物質素不好的,真係會蝕到入肉!西環這間人氣火鍋老店,連平日都要預先Book位,招牌湯底用番茄、豬骨、老雞等熬足8小時,味道鮮甜。牛肉均是手切,牛頸脊有咬口得來好有油香,另外更有多款限量的刁鑽配料例如豬王喉、烏魚扣和田雞扣等,坊間少見,邊爐友組團出發啦!

Text、Photo:新假期傳媒資料室

旺爆!西環好食火鍋小店 刁鑽配料夠爆趣

在西環屹立廿多年的火井是火鍋界的表表者,未搬舖時位置勁隱蔽,但晚市人流不絕,明星客多不勝數。年前搬過了隔籬街,更多人食,連平日都好易爆場,一定要Book位先食到。

1
本身在後巷小店,年前搬了一條街,依然是西環必食火鍋店之一。

火井招牌湯底有番茄、雞腳、枝竹、豬皮等,味道好鮮甜,愈滾愈有味。店中有不少聞所未聞的刁鑽配料供應,如烏魚扣、田雞扣和豬王喉等,極為罕見!店內亦有用花膠及魚翅仔打邊爐,坊間火鍋店少用這些乾貨,皆因準備工夫多,事前要浸發及啤水兩三日。其餘的火鍋料夠靚,無論牛肉、內臟、丸餃或蔬菜,一看便知新鮮。

2
火井招牌火鍋$128
火井招牌湯底有番茄、雞腳、枝竹、豬皮、粉腸及鹹酸菜等配料,加豬骨、老雞及火腿熬上八小時,呈奶白色的湯頭夠厚夠味,味道好鮮甜,直頭有媽媽煲的老火湯味道。
105
招牌牛頸脊$238/大 $198/小
全部牛肉均是人手切,唔用機切!手切牛頸脊夠油香,好有牛味,入口鮮甜軟滑。
107
魚翅仔$228
來自翅裙上邊位,翅針粗而多,雖不是極級靚貨,但以此價錢吃到此水準算唔錯。
5
烏魚扣 $98
即烏頭魚的胃部,一條魚得一個,一碟有廿個,要老闆叫相熟的魚檔留貨先有,一日只得幾碟,新鮮有彈性,咬落脆卜卜,罕!
4
田雞扣 $78
即田雞個胃,爽中又有田雞肉香味,浸住花雕酒上,吃時酒香慢慢滲出。
7
豬王喉 $78
即豬的大動脈,白雪雪洗得好乾淨,又薄又脆好爽。
106 2
手打墨魚滑 $98
手打的墨魚滑幼滑彈牙,比墨魚丸口感更細緻。

 

火井火鍋海鮮飯店
地址:西環皇后大道西419號地下(顯示地圖)
電話:2547 4508
營業時間:6pm-1:30am

延伸閱讀:
【自助餐我要!】晚市無限時!6小時任食!銅鑼灣酒店火鍋~肥牛+黑豚肉+海蜆+韓國雪條任食!仲送刺身
 

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..