朋友聚會4間太古餐廳推介！必食人氣菜式 香辣龍蝦配紅蝦意大利麵＋21日熟成澳洲M5和牛西冷牛扒
平日返工咁辛苦，放工、放假最好就係約埋成班Friend去食好嘢放鬆吓。太古餐廳旗下嘅4間餐廳— The Continental、MR & MRS FOX、Plat du Jour、PUBLIC 餐廳 & Deli，環境同嘢食都極具水準，無論想食英式、法式及亞洲菜式都一樣滿足到你。今年仲係太古餐廳5週年，參加電子獎賞計劃仲可享8折優惠添！
朋友聚會放鬆好去處 4間必食太古餐廳
1. 古典優雅都市花園 — The Continental
以歐洲華麗咖啡館為設計靈感嘅The Continental，餐廳嘅傢具大多以木為材質，再以翡翠綠色作點綴，尤如城市中嘅小綠洲、後花園；餐廳亦配上具有金屬質感嘅燈飾，以營造出時尚奢華感，迷人環境絕對係逃離日常喧囂嘅好去處 。
太古餐廳特別邀請資深而專業的Hang加入The Continental成為餐廳主廚，藉着出色嘅西餐技術及對烹調嘅熱情，以時令食材為大家打造出各式各樣嘅歐式料理，不論係香辣龍蝦配紅蝦意大利麵、炭燒原條鯛魚配薑味蕃茄醬、新鮮生蠔配玫瑰紅酒醋汁，各國料理都可以體驗到，等大家穿越歐洲各國，嚟一場舌尖上嘅旅行。
The Continental
地址: 香港金鐘道88號太古廣場4樓406號
電話: +852 2704-5211
2. 英倫風酒吧x扒房 — MR & MRS FOX
佔地3層嘅MR & MRS FOX將酒吧同扒房結合，裝潢以木質傢俱、皮質餐桌座椅及黃銅打造，環境充滿英倫風令人特別放鬆，無論係同Friend慶祝又或者放工去飲杯酒Chill吓都非常適合。而每層都有唔同特色：地下「Mrs Fox」主打特色雞尾酒加小食；一樓「Mr Fox」主打扒類及海鮮；最頂層「The Den」設有私人貴賓房連露台，可以用嚟作早餐聚會或小型會議。
除咗環境夠舒服，食物方面一樣咁高質。擁有20年經驗嘅主廚Raymond，先後於米芝蓮星級餐廳及太古酒店工作，加入太古餐廳後為MR & MRS FOX注入獨特風格及元素，為食客帶嚟極高水準嘅西餐，由頭盤到主菜到甜品一樣出色。大家嚟到MR & MRS FOX必定要試招牌菜式—21日熟成澳洲M5和牛西冷牛扒，油脂分佈平均而肉質嫩滑，加上炭香氣十足、肉汁濃郁，絕對係食肉獸唔可以錯過嘅菜式！
另外亦推薦環球海鮮拼盤、紙包煙燻地中海鱸魚配牛油汁、火焰雪山，全部都睇得又好食，再加埋杯手調特色雞尾酒，Perfect！
MR & MRS FOX
地址: 香港鰂魚涌糖廠街23號
電話: +852 2697-8500
3. 法國風情小餐館 — Plat du Jour
Plat du Jour呢間小餐館完美展現出法國浪漫情調，由別緻嘅環境再到法式風情美食，整個風味就令你尤如置身於法國之中。Plat du Jour設有2間分店，當中金鐘分店特別設有巴黎風格嘅露台，絕對係必影嘅打卡位。而且餐廳空間寬敞舒適，咁就可以同朋友坐得舒舒服服，慢慢享受吓法式大餐啦！
餐廳菜單由獲獎無數、亦曾管理香港數間頂級餐廳及會所廚房嘅Chris精心設計，將現代同傳統菜式精髓糅合，以簡單法國菜配以美酒去烹調出各種經典法國菜式，法式龍蝦湯、法式紅酒燴牛肉及法式蘋果撻配雲尼拿雪糕等傳統菜式都係必試之選，賣相與味道同樣兼備，絕對會令大家有個難忘嘅體驗。
Plat du Jour（太古廣場）
地址: 香港金鐘道88號太古廣場LG1層007號
電話: +852 2715-0511
Plat du Jour（鰂魚涌）
地址: 香港鰂魚涌海灣街17至21號
電話: +852 2789-4200
4. 無敵靚景、放鬆首選 — PUBLIC 餐廳 & Deli
PUBLIC 餐廳 & Deli坐擁港島東中心37樓無敵靚景，單單喺呢個景緻已經令人好放鬆，再加上餐廳內設有各款休閒娛樂設施，投杯球桌(Beer Pong)、電子飛鏢機、美式桌球、夾公仔機、氣墊球機等等應有盡有，絕對係日常放鬆好去處。
PUBLIC唔單止休閒娛樂設施眾多，食物方面亦夠多元化。經驗豐富嘅主廚Ricky特別為PUBLIC打造出多種國際美食，為大家帶嚟創新嘅佳餚，無論係堂食半自助餐、精選海鮮吧、刺身壽司吧、意大利凍肉拼盤、海南雞飯、意大利包或烤餅都有齊，選擇多到令人花多眼亂，可以一次過滿足到想食唔同風味菜式嘅願望！
PUBLIC 餐廳 & Deli
地址: 香港鰂魚涌華蘭路18號港島東中心37樓
電話: +852 2784-7100
太古餐廳5週年 電子獎賞計劃享8折優惠
係咪睇見都流晒口水呢？適逢今年係太古餐廳5週年，餐廳特別推出全年優惠，等大家可以品嚐到各間餐廳嘅招牌菜式。而家參加太古餐廳電子獎賞計劃，大家就可以透過儲存喺手提電話中嘅電子獎賞卡獲得唔同獎賞㗎喇！由即日起至2020年12月31日，只要喺付款時出示已下載喺電子錢包內嘅電子獎賞卡，即可享堂食8折優惠，4間餐廳都適用㗎！
登記網站及活動詳情：https://bit.ly/WW2zgly7j
