大快活食客不滿豬柳「細過包糖」網民突破盲點 齊齊發圖回應｜飲食熱話

樓主彈大快活豬柳：「細過包糖」

到餐廳用膳，如果食物份量太小，真的會激心，近日就有網民不滿大快活豬柳蛋麵的份量，憤然在Facebook「香港茶餐廳及美食關注組」發帖，還要上載了一張相片，手執一包砂糖和豬柳作對比，以為有相有真相，想必令人心服口服！誰不知帖子引來大批網民突破盲點，引來近5千個反應，當中3千多個是哈哈笑表情，大量留言質疑樓主的拍攝角度，覺得砂糖近鏡置前，豬柳在後，當然會比砂糖小，更指出相中「你碗麵又大過對面張櫈喎」、「你咁影法所有嘢都可以細過包糖啦⋯⋯明？」、「包糖放眼前，大過宇宙呀!」、「隻手遮天，糖比豬寬」

更有人狠狠地嘲諷：「仲以為自己入咗on9群組」。更有人覺得樓主不夠持平厚道：「蛋下面重有1塊？如果你食完2塊都照post上黎，証明你個人好有問題」覺得樓主「搵野黎講」，質疑是打手：「下午茶不嬲細份量。條友搵野黎講」、「對家打手」。

創意爆棚！網民紛紛發圖作文

帖文大熱，意外地拋磚引玉，竟引來大批網民發圖作文，儼如攝影作文比賽，創意爆棚，令人哭笑不得！紛紛利用前後景的差距，拍出令人笑爆咀的對比相片：「手指大過花灑點算」、「我嘅手指大過月球」、「拳頭大過劉江華」、「SONY都出左部細過我手掌既電視」、「我包糖大過個人」、「我只腳都細過一蚊銀喎」、「舊咕嚕肉大過我碗飯！點食丫！」、「隻手掌同部50吋電視一樣大，係咪可以入健力士」、「欄杆大過部巴士」。更引來網民翻舊賬，嘲笑某Youtuber之前開箱片，指某品牌的手提電腦「薄過1蚊銀」，真的躺著也中槍。留言如此瘋狂，怪不得網民發出靈魂慨嘆：「啲留言痴左線」。