大家樂咖啡無奶出帖取暖事主圍爐不成被圍插？網民：何來中伏？｜飲食熱話

Nov 5 2022

齋啡傻傻分不清？有時網民遇到餐廳遇到「中伏」事件，都會忍不住在Facebook群組聲討，或叫大家避雷，圍爐取暖實屬人之常性。但近來有位網友就圍爐不成被圍插啦！話說事主在大家樂柯打了一杯咖啡，喝到一半才發現無奶，發現手上的是齋啡，心感不忿，於是到Facebook群組「香港茶餐廳及美食關注組」發帖，誰不知網民一點都不同情事主，覺得事主小事化大，濫用「中伏」二字，飲到一半才知有問題，是自己眼睛及味覺有問題！大家又點睇呢？

大家樂咖啡無奶事主飲到一半先知係齋啡大感中伏

Facebook群組「香港茶餐廳及美食關注組」又有嬲爆爆的網友發帖，發文頭二個字就大喊：「中伏！」事源事主在大家樂柯打了杯咖啡，喝到一半才發現是無奶，原來是齋啡：「今日我在大家樂飲咖啡，飲咗半先知道杯咖啡原來冇奶。」又覺得自己之前加了糖，令咖啡味道欠佳：「但係我加咗糖，搞到杯咖啡唔好飲……」心感不忿，覺得是職員問題：「飲正常咖啡竟然冇落奶，佢畀咗杯齋啡。我竟然加多左糖。」並大呻：「究竟我叫咗杯乜嘢飲？我明明叫杯正常咖啡，飲到一半時發現係齋啡。」帖子更上載了一張飲到一半的齋啡相。

大家樂事主發文，頭兩個字已說自己「中伏」。 — 大家樂咖啡無奶？事主發文，頭兩個字已說自己「中伏」。（圖片來源：香港茶餐廳及美食關注組截圖）

大家樂帖文上載了一張飲到一大半的齋啡相。 — 帖文上載了一張飲到一大半的齋啡相。（圖片來源：香港茶餐廳及美食關注組截圖）

網民：咁都算中伏？

帖文不但沒有引起同情，更引同網民非議，覺得發現無奶，簡單叫水吧加奶就可以：「咁你咪問佢加返奶囉！咁簡單嘅嘢都處理唔到？」但事主回覆堅守立場，覺得是水吧出錯：「我知，但係咁樣樣咪即係直接話製作咖啡嗰個人出錯……」引來大批網民派負評，覺得事主小事化大，根本是小事一椿，無需發帖聲討：「咁都出post，是否浪費數據？」更嘲諷事主：「咁都好出po，諗住我地幫你加番奶？」把事情簡單複雜化：「飲一啖都知啦，叫佢加返奶就得，簡單複雜化。」

大家樂事主圍爐不成，反被網民圍插。 — 事主圍爐不成，反被網民圍插。（圖片來源：《愛回家》劇照）

大家樂網民覺得事主簡單複雜化，事主亦有回應，堅持是水吧有問題。 — 網民覺得事主簡單複雜化，事主亦有回應，堅持是水吧有問題。（圖片來源：香港茶餐廳及美食關注組截圖）

大家樂網民覺得好小事，根本無需出帖。 — 網民覺得好小事，根本無需出帖。（圖片來源：香港茶餐廳及美食關注組截圖）

更有不少網民覺得事主濫用「中伏」二字：「咁佢畀齋啡你的確係錯左，你指出有咩問題？出錯食物飲品成日發生，啲職員都慣哂，同佢哋講返咪換一杯畀你，好閒啫。你驚飲淨少少加多奶唔好飲，咪叫佢畀幾滴你囉。唔好郁啲就話中伏至得架」、「咁都算中伏？加番奶冇咩問題囉…」、「中伏呢個term真係被濫用曬」有人更突破盲點，覺得中伏的不是事主，而是留言的網友：「其實樓主悶悶哋，想搵人傾下計，我哋大家中伏就真」。

大家樂網民覺得事主濫用「中伏」二字。 — 網民覺得事主濫用「中伏」二字。（圖片來源：香港茶餐廳及美食關注組截圖）

網民：事主自己有問題！

除了覺得事主小事化大外，網民甚至覺得是事主自己有問題，不明白為何飲到一半才知無奶：「你都幾好嘢喎！自己飲緊乜都唔知，理論上啲色都唔同啦」、「你都好攪笑喎，飲到一半先知冇奶」、「睇相係飲到大半杯喇喎..咁先發現，就係自己有問題啦」、「樓主先係高手，齋啡定咖啡都唔識分，好x嘢！」覺得事主要去驗眼：「黑色同啡色都分唔到其實應該驗眼…..」並覺得水吧出錯好尋常，事主反應才是經典：「其實好簡單，樓面忘記落奶，但飲到一半先發現係齋啡，呢個先經典」。

更有人狠狠嘲諷：「我今日番左工，到食飯時發現同事唔同晒，原來我入錯公司。」並覺得事主是在擦存在感：「唔駛太認真，呢個社會係有好多可憐蟲，要用玩膠嚟刷存在感。」大家又點睇呢？