大家樂早餐款式多！推介6個必食早餐│中、西、港式款款份量足 一定有一款滿足你口味！

重點推介6款必食大家樂早餐，包括：麥蘆卡蜜糖雞扒、紐西蘭魚柳早餐、北海道3.6牛乳炒滑蛋等，真係香口、健康、飽肚款式統統都有齊，就等我Dinning娜推介6個大家樂必食早餐俾你地啦！

1.麥蘆卡蜜糖雞扒

最近大家樂將招牌早餐「蜜糖雞扒」加入新意思，就係選用矜貴嘅麥蘆卡蜜糖入饌，超有驚喜！原塊雞腿肉嫩滑多汁，外皮煎至金黃脆口，再配埋麥蘆卡蜜糖醬，除咗夠晒健康，仲帶來豐富口感，食咗呢個早餐全日工作做嘢都充滿力量呀！

2.紐西蘭魚柳早餐

如果喜歡香口，大家樂呢個紐西蘭魚柳早餐就啱晒你！選用原片鱼肉，啖啖嫩滑，咬落外脆內軟，再配上經典嘅檸檬他他醬，同埋脆卜卜厚多士開胃醒神，係早餐必選。

3.番茄牛尾湯扭紋粉

Dinning娜都係港式早餐控，呢個大家樂番茄牛尾湯扭紋粉就一定一食愛上，用牛尾煲湯比牛肉更濃郁更甜，加上鮮味番茄，酸酸甜甜仲有茄紅素，有益又好味！搭配扭紋粉，飽肚又暖胃，真係連湯都飲埋呀！再加上軟綿綿嘅鮮油餐包，大滿足呀！

4.北海道3.6牛乳炒滑蛋

鍾意食炒蛋嘅你一定唔可以錯過呢個大家樂早餐必食嘅牛乳炒滑蛋，蛋香好濃郁，佢仲用咗北海道3.6牛乳炒，入口更嫩滑！大家樂嘅早餐更會定時推出特色炒蛋，如「番茄炒蛋」同埋「蘑菇炒蛋」等，真係新意滿分！

5.蝦湯肉絲銀針粉

如果鍾意中式口味早餐嘅話，就一定必試呢個大家樂獨有嘅蝦湯肉絲銀針粉，煮法經典又令人回味！銀針粉夠晒香滑又煙煙韌韌，最亮點係鮮香惹味嘅蝦湯，再配上肉絲、香菇、蝦米同埋蔬菜等豐富用料，好有驚喜！唔怪得成為早餐界嘅新星！

6.豐盛早餐

每逢weekend放假時候，都好想同班friend歎番個All Day Breakfast，夠豐富又夠寫意。而家唔駛周圍搵啦！大家樂都有「Deluxe Breakfast」食！大家樂3款豐盛早餐，每款多達7款食材，夠晒分量大，超有水準！而有別於一般嘅早餐，特別將多士香煎至金黃，仲有微燶脆邊，口感十足；就連番茄都煎到香噴噴，更加惹味！

三款任你揀：

✔️麥蘆卡蜜糖雞扒豐盛早餐

✔️即煎牛扒豐盛早餐

✔️紐西蘭魚柳豐盛早餐

聽朝即刻去大家樂嘆番個靚早餐，咁就日日有食神啦！

(Presented by 大家樂）